ગુજરાત / પેટાચૂંટણીમાં આ બેઠકો પર વધુ મતદાન માટે બહારગામ રહેતા મતદારો માટે ભાજપ-કોંગ્રેસે ઘડયો આ પ્લાન

• આવતીકાલે રાજ્યની 8 બેઠકોની પેટાચૂંટણી માટે મતદાન
• વધુ મતદાન માટે ધારીમાં ભાજપ-કોંગ્રેસે ઘડ્યો પ્લાન
• સ્થાનિક મતદારોને બહારગામથી લવાશે ખાનગી બસોમાં

ગુજરાતમાં આવતી કાલે 3 નવેમ્બરના રોજ 8 બેઠકો પર પેટાચૂંટણી યોજાવા જઇ રહી છે. ત્યારે રાજ્યની ધારી બેઠક પર વધુ મતદાન કરાવવા માટે કોંગ્રેસ-ભાજપે પ્લાન ઘડી નાંખ્યો છે. 

બંને પક્ષો દ્વારા આ બેઠક પર વધુ મતદાન કરાવવા માટે સ્થાનિક મતદારોને બહારગામથી લાવવા વ્યવસ્થા કરવામાં આવી રહી છે. પ્રાપ્ત મળતી વિગત અનુસાર ધારી બેઠકોના મતદારો જે હાલમાં બીજા શહેરોમાં કામકામ અર્થે બહાર હોય તેઓને મતદાન માટે બહારગામથી ખાનગી બસોમાં લવાશે. 

સૂત્રોને મળતી જાણકારી મુજબ ભાજપ-કોંગ્રેસ દ્વારા 100થી વધુ બસો દ્વારા બહારગામથી મતદારોને મતદાન તારીખે લાવવામાં આવશે. આ સાથે રાજ્યની એક અન્ય બેઠક ગઢડા માટે પણ ભાજપ-કોંગ્રેસે બહાર રહેતા મતદારો માટે મતદાન કરાવવા ખાનગી બસોની વ્યવસ્થા કરી હોવાના અહેવાલ પ્રાપ્ત થયા છે.