આજે ગુજરાત વિધાનસભામાં ગુજરાત બજેટ 2020 રજૂ કરવામાં આવ્યું. રાજ્યના નાણામંત્રી અને નાયબ મુખ્યમંત્રી નીતિન પટેલ બજેટ રજૂ કર્યું. ત્યારે જાણો આ બજેટમાં શું છે મહત્વની જાહેરાતો...
2 કરોડના ખર્ચે સ્ટેટ મેનેજમેન્ટ સેન્ટરની કરાશે સ્થાપના
આંગણવાડી વર્કર અને તેડાગરને પુરસ્કાર અપાશે
5 લાખ લાભાર્થી વિધવા બહેનોને સહાય
રાજ્ય સરકારે બુધવારે ગુજરાતનું બજેટ જાહેર કર્યું છે. જેમાં નાયબ મુખ્યમંત્રી નીતિન પટેલે મહિલાઓના વિકાસ અને સશક્તિકરણ માટે કેટલીક જાહેરાતો કરી છે. જેમાં મહિલા અને બાળ વિકાસ વિભાગ માટે કુલ 23,150 કરોડની જોગવાઈ કરાઇ છે, જ્યારે સશક્ત મહિલા સુપોષિત ગુજરાત માટે 2000 કરોડની જોગવાઇ કરાઇ છે. ત્યારે જુઓ શું છે અન્ય જાહેરાત...
2 કરોડના ખર્ચે સ્ટેટ મેનેજમેન્ટ સેન્ટરની કરાશે સ્થાપના
પોષણ અભિયાન અંતર્ગત રૂ.૫૫ કરોડના ખર્ચે 53029 આંગણવાડીમાં સ્માર્ટફોન અને ગ્રોથ મોનિટરીંગ ડિવાઇસ આપવામાં આવ્યા છે, જેના કારણે 11 જેટલાં રજિસ્ટરોના સ્થાને સમગ્ર કામગીરી સ્માર્ટ ફોન વડે ડિજિટલી કરવામાં આવે છે. આ કામગીરીના મોનિટરીંગ અને માર્ગદર્શન માટે અંદાજે રૂ. 2 કરોડના ખર્ચે સ્ટેટ મેનેજમેન્ટ સેન્ટરની સ્થાપના કરવામાં આવી છે. જેને વધુ સુદઢ કરવા પ્રોજેક્ટ મેનેજમેન્ટ યુનિટની સ્થાપના કરવામાં આવશે.
આંગણવાડી વર્કર અને તેડાગરને પુરસ્કાર અપાશે
પોષણ અભિયાન અંતર્ગત 100% સુપોષિત આંગણવાડીની સિદ્ધિ હાંસલ કરનાર પાયાના કર્મચારીઓને પોષણ ત્રિવેણી પ્રોત્સાહન પુરસ્કાર આપવામાં આવશે. આ અંતર્ગત આંગણવાડી વર્કર અને તેડાગરને અનુક્રમે રૂ. 12,000 અને રૂ. 6,000 તેમજ પોતાના કાર્યક્ષેત્રની તમામ આંગણવાડી સુપોષિત ફરનાર પ્રત્યેક આશા વર્કર એ એ. એન.એમ.ને રૂ. 12,000નો પુરસ્કાર આપવામાં આવશે જે માટે રૂ.8 કરોડ જોગવાઈ કરવામાં આવી છે.
મધ્યસ્થી જેલોમાં શરૂ કરાશે મીની આંગણવાડીઓ
શહેરી વિસ્તારોમાં પ્રતિ આંગણવાડી 27 લાખ મુજબ 500 આંગણવાડી કે બાંધકામ માટે રૂ.35 કરોડની જોગવાઈ. સુરેન્દ્રનગર જિલ્લાના 1500 જેટલા અગરિયા કુટુંબો માટે રણ આંગણવાડી કરવામાં આવશે. અમદાવાદ, સુરત, વડોદરા અને રાજકોટ જિલ્લાઓની મધ્યસ્થ જેલોમાં મીની આંગણવાડીઓ શરૂ કરવામાં આવશે.
5 લાખ લાભાર્થી વિધવા બહેનોને સહાય
ગંગા સ્વરૂપમાં આર્થિક સહાય યોજના હેઠળ અંદાજિત 5 લાખ લાભાર્થી વિધવા બહેનોને સહાય આપવા માટે રૂ.500 કરોડની જોગવાઈ કરાઇ છે. બેટી બચાવો બેટી ભણાવોને પ્રોત્સાહન આપતી લોકપ્રિય વ્હાલી દીકરી યોજના માટે રૂ.50 કરોડની જોગવાઇ કરાઇ છે.
181 અભયમ મહિલા હેલ્પ લાઈન
181 અભયમ મહિલા હેલ્પ લાઈન અંતર્ગત મુશ્કેલ પરિસ્થિતિમાં મુકાયેલ બહેનોને મદદ કરવા અને જરૂરિયાતમંદ બહેનો અને દીકરીઓનું કાઉન્સેલીંગ કરવા રૂ. 12 કરોડની જોગવાઇ કરાઇ છે.
દૂધ સંજીવની યોજના હેઠળ ફ્લેવર્ડ દૂધ પૂરું પાડવા સહાય
દૂધ સંજીવની યોજના આંગણવાડી અને પ્રાથમિક શાળાના બાળકો, ધાત્રી માતાઓ સહિત અંદાજિત 30 લાખ લાભાર્થીઓને દૂધ સંજીવની યોજના મારફત ફ્લેવર્ડ દૂધ પૂરું પાડવા માટે કુલ રૂ.342 કરોડની જોગવાઈ કરાઇ છે.