રાજ્યભરમાં બોર્ડની પરીક્ષાનો થશે પ્રારંભ તમામ કેન્દ્રો પર CCTVની ચૂસ્ત નજર

ગાંધીનગરઃ રાજ્યભરમાં બોર્ડની પરીક્ષાઓ પ્રારંભ થઈ રહ્યો છે. શિક્ષણ બોર્ડ દ્વારા પણ પરીક્ષાની તમામ તૈયારીઓ કરી લેવામાં આવી છે. બોર્ડની પરીક્ષાના પ્રથમ દિવસે જ ધોરણ-10માં પ્રથમ ભાષાનું પેપર હશે.

જ્યારે ધોરણ-12 વિજ્ઞાનપ્રવાહમાં ફિઝીક્સ અને ધોરણ-12 સામાન્ય પ્રવાહમાં નામાના મૂળ તત્વો વિષયનું પેપર હશે. આ વર્ષે ધોરણ-10માં કુલ 11 લાખ 3 હજાર 674 અને ધોરણ-12માં સામાન્ય પ્રવાહમાં કુલ 4 લાખ 76 હજાર 634 જ્યારે ધોરણ-12માં વિજ્ઞાન પ્રવાહમાં કુલ 1 લાખ 34 હજાર 671 વિદ્યાર્થીઓ પરીક્ષા આપશે.

એટલે કે રાજ્યમાં 17 લાખ 14 હજાર 979 જેટલા વિદ્યાર્થીઓ પરીક્ષા આપશે. રાજ્યમાં કુલ 1548 પરીક્ષા કેન્દ્રો અને 60 હજાર 337 જેટલા બ્લોક ઉપર પરીક્ષા લેવામાં આવશે. તમામ પરીક્ષા કેન્દ્રો પર CCTV કેમેરા દ્વારા ચૂસ્ત નજર રાખવામાં આવશે.