આમ આદમી પાર્ટી જ્યાં રાજ્યની વિધાનસભામાં એન્ટ્રી મારવા માટે તલપાપડ થઈ રહી છે ત્યારે ભારતીય જનતા પાર્ટી પોતાની સત્તાને ટકાવી રાખવા માટે પ્રયાસો શરૂ કરી દીધા છે.
ભાજપના MLAની બેઠકમાં પેજ સમિતિ પર ભાર
હાલ ભાજપમાં 80 ટકા પેજ સમિતિનું કામ થયું છે
2 મહિનામાં પેજ સમિતિનું કામ પૂર્ણ કરવા આદેશ
ગુજરાતમાં રાજકારણ તેજ
ગુજરાતમાં આગામી વર્ષે વિધાનસભાની ચૂંટણી થવા જઈ રહી છે ત્યારે અત્યારથી ગુજરાતનું રાજકારણ ગરમાયું છે. આમ આદમી પાર્ટી જ્યાં રાજ્યની વિધાનસભામાં એન્ટ્રી મારવા માટે તલપાપડ થઈ રહી છે ત્યારે ભારતીય જનતા પાર્ટી પોતાની સત્તાને ટકાવી રાખવા માટે પ્રયાસો શરૂ કરી દીધા છે. ભારતીય જનતા પાર્ટીના ગુજરાત પ્રભારી ભૂપેન્દ્ર યાદવે પહેલા ધારાસભ્યો અને નેતાઓ સાથે બેઠકો કરી અને તે બાદ ધારાસભ્ય દળની બેઠક બોલાવવામાં આવી હતી. તે બાદ સી આર પાટીલ પણ સતત એક્ટિવ છે અને બેઠકો કરી રહ્યાં છે જે બાદ સામે આવ્યું કે ભાજપ હવે પોતાનું બ્રહ્માસ્ત્ર વિધાનસભા ચૂંટણીમાં ચલાવશે.
ધારાસભ્યોને આપી દેવામાં આવ્યા આદેશ
ભારતીય જનતા પાર્ટી વિધાનસભા ચૂંટણીમાં પેજ સમિતિનો ઉપયોગ કરશે. ધારાસભ્યો સાથે થયેલ બેઠકમાં ભાજપ દ્વારા પેજ સમિતિનો ઉલ્લેખ કરવામાં આવ્યો છે તથા બધા જ ધારાસભ્યોને તે માટે આદેશ આપી દેવામાં આવ્યા છે. ભાજપના જે તે ધારાસભ્યોને પોતપોતાનાં વિસ્તારના પેજ સમિતિના કાર્યો પૂર્ણ કરવા માટે ભાજપ દ્વારા આદેશ આપવામાં આવ્યા છે.
પેજ પ્રમુખોને બ્રહ્માસ્ત્ર માને છે ભાજપ
હાલ પેજ સમિતિને લઈને ભાજપમાં 80 ટકા કામ પૂર્ણ થઈ ગયું છે. અને આગામી બે જ મહિનામાં પેજ સમિતિનું કામ પૂરું કરી લેવા માટેના આદેશ આપવામાં આવ્યા છે. આટલું જ નહીં પેજ સમિતિ બની જાય તે બાદ લિસ્ટ મોકલવા પણ આદેશ અપાયા છે.
2022માં મદદરૂપ સાબિત થશે?
નોંધનીય છે કે 2022ની ચૂંટણીમાં ભાજપ પેજ સમિતિને બ્રહ્માસ્ત્ર ગણે છે અને કોરોના વાયરસના કાળમાં પ્રચાર કરવા માટે આ સમિતિઓ ભાજપને મદદરૂપ સાબિત થઈ પણ શકે છે.