પ્રદેશ ભાજપ સંગઠનમાં નવી નિમણૂંકો પર હાઈકમાન્ડે મહોર લગાવી છે. ગુજરાત પ્રદેશ ભાજપનું સંગઠનનું માળખું જાહેર કરી દેવામાં આવ્યું છે. ભાજપ નવા સંગઠનમાં અનુભવી નેતાઓને સ્થાન સોંપવામાં આવ્યું છે. ભાજપ દ્વારા સત્તાવાર નામોની જાહેરાતો કરવામાં આવી છે. ત્યારે જાણો સી.આર. પાટીલની નવી ટીમમાં કોને મળ્યું સ્થાન...
ગુજરાત ભાજપમાં નવા સંગઠનનું માળખાની જાહેરાત કરવામાં આવી છે. 39 જીલ્લા પ્રમુખ અને મનપા શહેર પ્રમુખના નામો જાહેર કરવામાં આવ્યા છે. થોડા દિવસ અગાઉ પ્રદેશ ભાજપ અધ્યક્ષ સી.આર.પાટીલે દિલ્હીમાં ભાજપ અધ્યક્ષ જે.પી.નડ્ડા સાથે વિસ્તારથી સંગઠનને લઈ ચર્ચા કરી હતી. આ બેઠકમાં ભુપેન્દ્ર યાદવ અને વી.સતીષ સહિતના નેતાઓ સાથે ચર્ચા કરી હતી. આ બેઠકમાં નવા હોદ્દેદારોની નિમણૂંકને અંતિમ મહોર લગાવી દેવામાં આવી હતી. ત્યારે હવે આ ભાજપ દ્વારા આ નવા સંગઠનના હોદ્દેદારોના નામ જાહેર કરી દેવામાં આવ્યા છે. ત્યારે જાણો કોને કયા જિલ્લાના પ્રમુખ બનાવાયા છે.