ગુજરાતમાં 3 નક્સલીઓ ઝડપાયા હતા. તાપીમાંથી બે અને દાહોદમાંથી એક શખ્સ ઝડપ્યો હતો. આ સામુ ઓરેયા, બિરસા ઓરેયા અને બબિતા કછપની ધરપકડ કરવામાં આવી હતી. ત્યારે હવે ગુજરાતમાંથી ઝડપાયેલા 3 નક્સલીના ફોન ટ્રેસિંગ બાદ મોટો ખુલાસો થયો છે.
નકસલીઓના ફોન ટ્રેસિંગ બાદ વિગતો સામે આવી
કોરોનાની કામગીરીનો વિરોધ કરવાનો હતો ટાર્ગેટ
ભારતમાં આદિવાસીઓ જ રહેશે બાકી કોઈ નહીંઃ વાતચીત
નક્સલીઓ મામલે અમદાવાદમાં ATSની પ્રેસ કોન્ફરન્સ યોજી હતી. જેમાં તેમણે જણાવ્યું હતું કે, ગુજરાત ATSએ વ્યારામાંથી ઝડપેલા નક્સલીઓના ફોન ટ્રેસિંગ બાદ કેટલીક વિગતો સામે આવી છે. કોરોનાની કામગીરીનો વિરોધ કરવાનો નક્સલીઓનો ટાર્ગેટ હતો. ભારતમાં આદિવાસીઓ જ રહેશે બાકી કોઈ નહિ તેવી વાતચીત કરતા હતા. ગામડાઓથી વિરોધ કરવાનો ઇરાદો હતો. CRPF અને પોલીસને પણ ટાર્ગેટ કરવાનું કાવતરું હતું. નક્સલીની વાતચીતમાં હથિયારોની માંગ કરાઇ હોવાનું ખુલ્યુ છે. સાથે કોરોનાની કામગીરીનો વિરોધ કરવાનો ટાર્ગેટ હતો.
ગુજરાતમાં અદિવાસીઓને ઉશ્કેરી રહ્યા હતા
ATSએ કહ્યું હતું કે, નક્સલીઓ પાસેથી કબ્જે લેવાયેલા લેપટોપમાંથી નાણાકીય વ્યવહાર પુરાવા મળ્યા છે. પ્રતિબંધિત સંગઠનોની માહીતીની પુસ્તિકા મળી છે. આ લોકો ઝારખંડ રાજ્યના છે. વ્યારાથી મહિસાગર સુધી મુલાકાત લેતા હતા. આદિવાસી લોકોને ઉશ્કેરી રહ્યા હતા. છેલ્લા 6 મહિનાથી મુલાકાત લેતા હતા. લોકોને ઉશ્કેલી પોતાની વિચારધારામાં સામેલ કરતા હતા. તેઓ ગુજરાતમાં અદિવાસીઓને ઉશ્કેરણી કરતા હતા.
ATSએ ગુપ્ત ઓપરેશન હાથધરીને કાર્યવાહી કરી
કટાસવણ ગામેથી બે શંકાસ્પદ શખ્સોની ધરપકડ કરવામાં આવી છે. ઝારખંડથી આવેલા બંને શખ્સો છૂપાયા હોવાનું અનુમાન કરવામાં આવ્યું છે. ઝારખંડની નક્સલી પ્રવૃત્તિ સાથે આ શખ્સો સંકળાયા હતાં. ATSએ ગુપ્ત ઓપરેશન હાથધરીને કાર્યવાહી કરી છે. તેઓ ગુજરાતમાં નક્સલી પ્રવૃત્તિઓ ચલાવવા ષડયંત્ર કરતાં હતાં. ATSના DIG સહિતના અધિકારીઓએ કાર્યવાહી હાથ ધરી છે. આ ઝડપાયેલા શખ્સોને અમદાવાદ ATS લાવવામાં આવ્યાં છે. ATSએ ગુપ્ત ઓપરેશન દ્વારા કાર્યવાહી હાથધરી છે. ગુજરાતમાં નક્સલી પ્રવૃત્તિઓ ચલાવવા આ શખ્સો ષડયંત્ર કરતાં હતાં. તેઓ પથ્થરગડી ચળવળ સાથે સંકળાયેલા છે. પથ્થરલગડી આંદોલનમાં હિંસક પ્રવૃત્તિઓમાં સંકળાયા હતાં. આ રીતે તેઓ સતીપતી સંપ્રદાયના અનુયાયીઓની ઉશ્કેરણીનો પ્રયાસ કર્યો છે. ગુજરાતના સતીપતી સંપ્રદાયને હિંસક બનાવવાનું તેમણે ષડયંત્ર કર્યું છે. તેમજ આ શખ્સો પાસેથી માઓવાદી પત્રિકાઓ અને મુદ્રિત સામગ્રી કબ્જે કરવામાં આવી છે. આ શખ્સો પાસેથી મળેલા ફોન અને લેપટોપ કબ્જે કરાયા છે.