રાજ્યસભાની ચૂંટણી પહેલા કોંગ્રેસના 8 ધારાસભ્યોએ રાજીનામાં આપ્યાં હતા. જેને કારણે 8 બેઠકો ખાલી થઈ હતી. આ બેઠકો પર પેટાચૂંટણી યોજાવાની છે. ત્યારે કોંગ્રેસ આ બેઠકો પાછી મેળવવા ચોટલી બાંધી લીધી છે. અને ખાસ વ્યૂહ રચના ઘડી કાઢી છે.
વિધાનસભા પેટાચૂંટણી જીતવા કોંગ્રેસની ખાસ વ્યૂહરચના
વિધાનસભા પેટાચૂંટણી જીતવા કોંગ્રેસે ખાસ વ્યૂહરચના બનાવી છે. બેઠકદીઠ ચાર સ્તરીય જવાબદારીઓ સોંપાઇ છે. ઇન્ચાર્જ, કો-ઇન્ચાર્જ, જિલ્લા પંચાયત, તાલુકા પંચાયત બેઠકની જવાબદારી સોંપવામાં આવી છે.
સિનિયર નેતાઓને ઇન્ચાર્જની જવાબદારી સોંપાઈ છે. જ્યારે એક બેઠક દીઠ ત્રણ ધારાસભ્યોને કો-ઇન્ચાર્જની જવાબદારી સોંપવામાં આવી છે. પૂર્વ MLA, ચૂંટાયેલા પ્રતિનિધિઓને જિલ્લા પંચાયત સીટની જવાબદારી અને સ્થાનિક નેતાઓને તાલુકા પંચાયત સીટની જવાબદારી સોંપાઈ છે. તો બુથ લેવલની પણ કોંગ્રસે જવાબદારીઓ સોંપી છે...બેઠકદીઠ મેનેજમેન્ટ એક્સપર્ટને પ્રદેશ લેવલથી જવાબદારી અપાઈ છે. 8 બેઠકો જીતવા કોંગ્રેસે માઈક્રોલેવલે તૈયારીઓ શરૂ કરી છે.