કોરોના / અનલૉકની માઠી અસરઃ કોરોનાથી પ્રભાવિત દેશોમાં ભારત આ બાબતમાં રહ્યું સૌથી આગળ

• કોરોનાના કેસના વૃદ્ધિદરમાં ભારત સૌથી આગળ
• જૂન મહિનામાં ભારતમાં કોરોનાનો વૃદ્ધિદર 3.85 ટકા રહ્યો
• વૈશ્વિક સ્તરે કોરોનાનો વૃદ્ધિદર 1.8 ટકા રહ્યો

એક રિપોર્ટ અનુસાર 1 જૂનથી 28 જૂન સુધી દુનિયાના 10 સૌથી વધુ પ્રભાવિત દેશોમાં કોરોનાના વૃદ્ધિદરનું વિશ્લેષણ કરવામાં આવ્યું. તેમાં જાણવા મળ્યું કે વૈશ્વિક સ્તરે ભારતમાં કોરોનાનો વૃદ્ધિદર સૌથી વધારે છે. ભારત બાદ બ્રાઝિલ દુનિયામાં બીજા નંબરનો સૌથી વધુ વૃદ્ધિદરવાળો દેશ બન્યો છે. અહીં કેસની સંખ્યા પણ સૌથી વધુ છે. બ્રાઝિલમાં વૃદ્ધિદર 3.5 ટકા જોવા મળ્યો છે. ત્યારબાદ રશિયા 1.6 ટકા, સંયુક્ત રાજ્ય અમેરિકા 1.3 ટકા અને યુનાઈટેડ કિંગડમ 0.5 ટકાનો નંબર ધરાવે છે. 

જૂન મહિનામાં ભારતમાં કોરોનાનો વૃદ્ધિદર 3.85 ટકા રહ્યો

આવું એટલા માટે થયું કે મહિનાની શરૂઆતમાં ભારતમાં કેસની સંખ્યા ઓછી હતી. 1 જૂને ભારતમાં 1.9 લાખ કેસ હતા. 28 જૂન સુધી ભારતમાં કોરોના કેસ ઝડપથી વધ્યા અને સાથે કુલ સંખ્યા 5.28 લાખ પહોંચી. સોમવારે ભારતમાં 19459 કેસ નોંધાયા હતા. જો આ વધારાને જોડવામાં આવે તો વૃદ્ધિદર 3.9 થાય છે અને કુલ સંખ્યા 5.48 લાખ છે. 

અમેરિકા, બ્રાઝિલમાં આવી છે સ્થિતિ

સંયુક્ત રાજ્ય અમેરિકામાં જૂનમાં 7.2 લાખ અને બ્રાઝિલમાં 7.9 લાખ નવા કેસ નોંધાયા હતા. જે ભારતની તુલનામાં બમણાથી પણ વધારે છે. અહીં પહેલાંથી કેસ વધારે હોવાના કારણે 1 જૂન સુધી કેસની સંખ્યા વધી હતી. 1 જૂને અમેરિકામાં 17 લાખ અને બ્રાઝિલમાં 5.14 લાખ કેસ હતા. 28 જૂને અમેરિકામાં 25 લાખ અને બ્રાઝિલમાં 13 લાખ કેસ થયા છે. જૂનમાં રશિયામાં 2.2 લાખ અને બ્રિટનમાં 35,488 નવા કેસ નોંધાયા છે. 

વધારે વૃદ્ધિદર વાળા દેશોમાં આ નામ સામેલ

28 જૂન સુધી 1 લાખથી વધારે કેસવાળા 19 દેશોના આંકડા જોઈએ તો દક્ષિણ આફ્રિકામાં કોરોનાનો વૃદ્ધિદર 5.2 ટકા હતો. અહીં 32000 કેસ આવ્યા હતા. 28 જૂને વધીને 1.32 લાખ થયા. ત્યારબાદ પાકિસ્તાન અને બાંગ્લાદેશ ક્રમશઃ3.89 અને 3.94  ટકાનો વૃદ્ધિદર ધરાવે છે. ત્યારબાદ ભારત 3.85 ટકા સાથે જોવા મળ્યું છે. એક અઠવાડિયાની સ્થિતિ જોઈએ તો આ વૃદ્ધિદર બદલાઈ જાય છે. દ.આફ્રિકામાં 5.2 ટકા, ભારત 3.7 ટકા અને બ્રાઝિલ 3.2 ટકા વૃદ્ધિદર ધરાવે છે. બાંગ્લાદેશમાં વૃદ્ધિદર 3 ટકા નોંધાયો છે તો પાકિસ્તાનામાં તે 1.9 ટકા છે. વૈશ્વિક સ્તરે તે 1.8 ટકા રહ્યો છે.