મહામારી / આ દેશે કોરોના સામેનો જંગ જીતી લીધો, હવે માસ્ક પહેરવું ફરજિયાત નહીં, ભારતમાં ક્યારે થશે ?

• વિશ્વની મહાસત્તા અમેરિકામાં કોરોના નબળો પડ્યો
• વેક્સિનના બન્ને ડોઝ લેનાર લોકોએ માસ્ક પહેરવાની જરુર નહીં
• અમેરિકાની સૌથી મોટી હેલ્થ એજન્સી બહાર પાડી ગાઈડલાઈન

વિશ્વની મહાસત્તા અમેરિકા હવે કોરોના કાળ પહેલાની સ્થિતિએ પહોંચી રહ્યો હોવાનો સંકેત મળી રહ્યો છે. અમેરિકાની સૌથી મોટી હેલ્થ એજન્સી સેન્ટર ફોર ડિસિઝ કન્ટ્રોલ એન્ડ પ્રિવેન્શન (સીડીએસ) એ જણાવ્યું છે કે કોરોના વેક્સિનના બન્ને ડોઝ લેનાર લોકોએ હવે માસ્ક પહેરવાની જરુર નથી. ભારતમાં હવે માસ્ક પહેરવાનું મરજિયાત ક્યારે થશે તે તો સમય કહેશે.

વેક્સિનના બન્ને ડોઝ લેનાર લોકોએ માસ્ક પહેરવાની જરુર નથી 

સીડીસીએ એવું પણ જણાવ્યું કે ઘરની અંદર અને બહાર હવે બન્ને ઠેકાણે માસ્ક પહેરવાની જરુર નથી. સીડીએસની આ મોટી જાહેરાત બાદ પ્રેસિડન્ટ જો બાયડન અને વાઈસ પ્રેસિડન્ટ કમલા હેરિસ માસ્ક પહેર્યાં વગર જ વ્હાઈટ હાઉસના રોઝ ગાર્ડના પત્રકારોની સામે હાજર રહ્યાં હતા. લેટેસ્ટ ગાઈડલાઈનમાં સીડીસીએ જણાવ્યું કે વેક્સિનના બન્ને ડોઝ લેનાર અથવા તો બધી વેક્સિન લેનાર લોકો માસ્ક પહેર્યાં વગર કે સોશિયલ ડિસ્ટન્સિંગનું પાલન કર્યા વગર તેમનું રોજબરોજનું કામકાજ કરી શકે છે. 

This was made possible by the extraordinary success we’ve had in vaccinating so many Americans, so quickly. pic.twitter.com/gTwM6Tp7lF

— Joe Biden (@JoeBiden) May 13, 2021

અમેરિકા માટે મહાન દિવસ-પ્રેસિડન્ટ જો બાયડન 

આ પ્રસંગે પ્રેસિડન્ટ જો બાયડને જણાવ્યું કે મને લાગે છે કે આ એક મહાન સિદ્ધી છે. એક મહાન દિવસ. આપણે સેંકડો અમેરિકન લોકોના ઝડપી વેક્સિનેશન કર્યું છે જે અસાધારણ સફળતા દ્વારા આ શક્ય બન્યું છે. સીડીએસની ગાઈડલાઈનનો ઉલ્લેખ કરતા બાયડને જણાવ્યું કે  વેક્સિનનો બન્ને ડોઝ લેનાર લોકોને કોરોનાનું ઘણું ઓછું જોખમ રહેતું હોય છે. તેથી જો તમે વેક્સિનના બન્ને ડોઝ લીધા હોય તો તમારે હવે માસ્ક પહેરવાની જરુર નથી. પરંતુ જો તમે હજુ સુધી વેક્સિનના બન્ને ડોઝ ન લીધા હોય તો અથવા તો એક ડોઝ લીધો હોય અને તમે બીજો ડોઝ લીધાના બે અઠવાડિયા સુધી રાહ ન જોઈ તો તમારે હજુ પણ માસ્ક પહેરી રાખવાની જરુર ખરી. 

114 દિવસમાં 250 મિલિયન લોકોને વેક્સિન મળી 
તેમણે કહ્યું કે 114 દિવસમાં 250 મિલિયન લોકોને વેક્સિનના ડોઝ મળ્યાં છે. અમે પરિણામો જોઈ રહ્યાં છીએ. 50 રાજ્યોમાંથી 49 રાજ્યોમાં કેસો ઓછા થયા છે. એપ્રિલ 2020 પછી હોસ્પિટલમાં પણ દર્દીઓ ઘટ્યાં છે. મોતમાં પણ 80 ટકા ઘટાડો થયો છે અને એપ્રિલ 2020 પછી મોતની સંખ્યામાં પણ મોટો ઘટાડો થયો છે. તેમણે કહ્યું કે કોરોનાના કેર બીજો દેશોમાં ચાલુ રહ્યો છે. પ્રેસિડન્ટ બાયડને જણાવ્યું કે ચાર મહિના કરતા પણ ઓછા સમયમાં 5.5 ટકાથી વધીને 60 ટકા વયસ્કોને કોરોનાનો પહેલો ડોઝ મળી ચૂક્યો છે.