ગુજરાત વિધાનસભાના વિપક્ષ નેતા સુખરામ રાઠવાએ છોડાઉદેપુર જિલ્લાના જામલી ખાતે મતદાન કર્યું હત્યું અને મતદાન નિવેદન આપતા કહ્યું કે અન્ય ચૂંટણીઓ પણ બેલેટ પેપરથી થવી જોઈએ
છોટાઉદેપુરના જામલી ગામમાં મતદાન
વિપક્ષ નેતા સુખરામ રાઠવાએ કર્યું મતદાન
બેલેટ પેપરથી મતદાન થાય તે યોગ્ય : સુખરામ રાઠવા
ગુજરાત વિધાનસભાના વિપક્ષ નેતા સુખરામ રાઠવાએ છોડાઉદેપુર જિલ્લાના જામલી ખાતે મતદાન કર્યું હતું. મતદાન બાદ વિપક્ષ નેતા સુખરામ રાઠવાએ કહ્યું હતું કે અન્ય ચૂંટણીઓમાં પણ બેલેટ પેપરથી મતદાન થાય.
વિપક્ષ નેતા સુખરામ રાઠવાએ કર્યું મતદાન
ગ્રામ પંચાયતની ચૂંટણી માટે આજે બેલેટ પેપરથી મતદાન યોજાઈ રહ્યું છે. ત્યારે અવાર નવાર ચૂંટણીઓમાં વોટિંગ મશીન પર સવાલો ઉઠતા હોય છે EVM મશીન હેક થયાની ફરિયાદો ઉઠતી હોય છે, એટલું જ નહીં ઈવીએમમાં ગફલત કરીને EVM મશીન સાથે ચેડા થતા હોવાની ફરિયાદો વારંવાર થતી જોવા મળે છે, ગુજરાતમાં છેલ્લા અઢી દાયકાથી કોંગ્રેસ સત્તામાં નથી ત્યારે EVM મશીનને બદલે બેલેટ પેપરથી મતદાન કરવામાં આવે તેવું અનેક વાર વિપક્ષ અને અન્ય પક્ષ રજૂઆત કરતા આવ્યા છે. ત્યારે ગ્રામ પંચાયતની ચૂંટણી ટાંણે સુખરામ રાઠવાએ મતદાન કર્યા બાદ નિવેદન આપ્યું છે કે રાજ્યમાં અન્ય ચૂંટણીઓ પણ બેલેટ પેપરથી કરવામાં આવે તે યોગ્ય છે.
બેલેટ પેપરથી મતદાન થાય તે યોગ્ય : સુખરામ રાઠવા
એવામાં વિપક્ષ નેતાએ ગ્રામ પંચાયતની ચૂંટણી બેલેટ પેપરથી મતદાન કર્યા બાદ નિવેદન આપતા જણાવ્યું હતું કે અન્ય ચૂંટણીઓમાં પણ બેલેટ પેપરથી જ મતદાન થવું જોઈએ. આજે રાજ્યની 8684 ગ્રામ પંચાયતોમાં ચૂંટણી યોજાઇ છે. આ ગ્રામ પંચાયતોમાં 8560 સરપંચ પદ માટે કુલ 27 હજાર 200 ઉમેદવારો વચ્ચે મતદાન પ્રક્રિયા ચાલી રહી છે જ્યારે 53 હજાર 507 સભ્યો ચૂંટવા માટે 1 લાખ 19 હજાર 998 ઉમેદવારો વચ્ચે ચૂંટણી જંગ ખેલાઇ રહ્યો છે.