ગુજરાત સરકાર દ્વારા વિવિધ જગ્યાઓ માટે ક્લાસ 2 -3 માટે ભરતીઓ જાહેર કરી છે. આયોગની વેબસાઈટ પર આ વિવિધ ભરતીઓના ફોર્મ ભરી શકો છો. ફોર્મ ભરવાની છેલ્લી તારીખ 30 જુલાઈ.
GPSC દ્વારા વિવિધ ભરતીઓ બહાર પાડવામાં આવી
વર્ગ-2 અને વર્ગ-3 માટેની જગ્યાઓ માટે ભરતી
30 જુલાઈ 2022 સુધી ઓનલાઈન અરજીની તારીખ
ગુજરાત સરકાર દ્વારા વિવિધ જગ્યાઓ માટે ક્લાસ 2 -3 માટે ભરતીઓ જાહેર કરી છે. આયોગની વેબસાઈટ પર આ વિવિધ ભરતીઓના ફોર્મ ભરી શકો છો. આયોગ દ્વારા, નાયબ સેક્શન અધિકારી/નાયબ મામલતાર વર્ગ 3, નાયબ સેક્શન અધિકારી વર્ગ -3 (સચિવાલય), ચીફ ઓફિસર વર્ગ-3, મદદનીશ વન સંરક્ષણ વર્ગ-2, પશુચિકિત્સા અધિકારી વર્ગ-2, મ્યુનિશિપલ એકાઉન્ટ ઓફિસર વર્ગ-2 મળીને કુલ 260 જગ્યાઓ માટે અરજીઓ મંગાવી છે. અરજદારો 30 જુલાઈ 2022 સુધી ઓનલાઈન અરજી કરી શકશે.
ફોર્મ ભરવાની છેલ્લી તારીખ
ઉમેદવારોએ ફોર્મ 30 જુલાઈ 2022 ના બપોરના એક વાગ્યા પેલા આયોગની ઓફિસિયલ વેબસાઈટ ઉપર ભરવાનું રહેશે. તેમાં જરૂરી વિગતો ભરીને અને લાગુ પડતા ઉમેદવારોએ ફી ભરીને ફોર્મ સબમિટ કરવાનું રહેશે.
Newspaper Format Advertisement for Online Advertisements from Advt. No. 10/2022-23 to 14/2022-23 starting from 15.07.2022 13:00 to 30.07.2022 13:00 https://t.co/CkMNZK5a0t
પરીક્ષાનું ફોર્મેટ
પરીક્ષા 3 તબ્બકામાં યોજવામાં આવશે જેમાં પહેલા પ્રાથમિક કસોટી લેવામાં આવશે જે OMR - CBRT (Computer Based Recruitment Test માધ્યમથી લેવામાં આવશે, ત્યાર પછી પસંદગી પામેલા ઉમેદવારોને મુખ્ય પરીક્ષા આપવાની રહેશે જે લેખિતમાં હશે અને વર્ગ-2 માટેના ઉમેદવારોને રૂબરૂ મુલાકાત (ઈન્ટરવ્યૂ) માટે બોલાવવામાં આવશે.
પસંગી પ્રક્રિયા
ઉમેદવારોની આખરી પસંદગી મુખ્ય લેખિત પરીક્ષામાં મેળવેલા ગુણોના આધારે કરવામાં આવશે. ત્યારે પ્રાથમિક કસોટીના ગુણ આખરી પસંદગી માટે ધ્યાનમાં લેવામાં નહી આવે. કોઈ કસોટીમાં રૂબરૂ મુલાકાત હોય શકે છે જેમાં પરિણામ મુખ્ય લેખિત પરીક્ષામાં મેળવેલા ગુણના 50 ટકા અને રૂબરૂ મુલાકાતના 100 ગુણમાંથી મેળવાલા ગુણના 50 ટકા ગુણભારના પ્રમાણસહ ગણતરી કરીને કુલ ગુણના આધારે કરવામાં આવશે. વર્ગ 3 માટે કોઈપણ રૂબરૂ મુલાકાત કરવામાં નહી આવે.
ફોર્મ ભરતી વખતે ધ્યાનમાં રાખવા જેવી બાબતો
ઉમેદવારો માટે ખાસ નોંધ લેવી કે કોઇપણ ફોર્મ છેલ્લી તારીખ સુધી Editable છે. આથી ઉમેદવારોએ એક જાહેરાતમાં એક જ અરજી કરવી. જો કોઈ અરજીની વિગત-માહિતી ભરતવામાં ભૂલ થાય તો Edit વિકલ્પમાં જઈ વિગત સુધારી લેવી. નવી અરજી ન કરવી. નવી અરજી કરતી વખતે અને ત્યારબાદ ઉમેદવારે પોતાની સહી ફોટો અને અન્ય વિગતો ચકાસી તેની ખરાઈ કરવી. જો ભૂલ હોય તો સુધારો કરી લેવો.