કેન્દ્ર સરકાર પોતાના કર્મચારીઓને ટૂંક સમયમાં હોળીની ગિફ્ટ આપી શકે છે, સરકાર ડીએમાં વધારો કરી સરકારી કર્મચારીઓનો તહેવાર પર ખુશીઓ આપી શકે છે.
કેન્દ્રીય કર્મચારીઓને મળી શકે છે ખુશખબર
હોળી પર ગિફ્ટ આપી શકે છે સરકાર
ડીએમાં થઈ શકે છે આટલો વધારો
કેન્દ્ર સરકાર પોતાના કર્મચારીઓને ટૂંક સમયમાં હોળીની ગિફ્ટ આપી શકે છે, આ અઠવાડીયે વેતનમાં મોંઘવારી ભથ્થા ઉપરાંત 18 મહિનાના અટવાયેલા જૂના ડીએને લઈને પણ કોઈ નિર્ણય લેવાઈ શકે છે. આ મામલા સાથે જોડાયેલા સૂત્રોનું કહેવું છે કે, 16 માર્ચે સરકાર તેના પર નિર્ણય લઈ શકે છે.
સૂત્રોએ કહ્યું કે, આ વાખતે ડીએમાં 3 ટકાનો વધારો થઈ શકે છે, જે 31 ટકાથી વધીને 34 ટકા થઈ જશે. જો આવું થશે તો, કર્મચારીઓની સેલરીમાં મૂળ વેતનના હિસાબે મોટો વધારો આવશે. ઉપરાંત સરકાર 16 માર્ચે રોકાયેલા ડીએ પર પણ નિર્ણય લઈ શકે છે. કહેવાય છે કે, સરકારે 18 મહિનેના ડીએનું વન ટાઈમ સેટલમેંટ કરવાની તૈયારીમાં છે. સરકારે જાન્યુઆરી 2022થી લઈને જૂન 2021 સુધી એરિયરની ચુકવણીનો નિર્ણય રોકી રાખ્યો છે.
ચૂંટણીના કારણે થયું મોડું
મોંઘવારી ભથ્થા અને રોકાયેલા ડીએ પર નિર્ણયમાં યુપી સહિત પાંચ રાજ્યોની ચૂંટણી મુખ્ય કારણ હોવાનું કહેવાય છે. કર્મચારી લાંબા સમયથી 18 મહિનાના રોકાયેલા ડીએને આપવાની માગ કરી રહ્યા હતા. 16 માર્ચે તેના પર નિર્ણય આવી શકે છે અને તે પહેલા કેબિનેટ સચિવ સાથે વાતચીત થશે. સરકાર મોંઘવારી ભથ્થામાં વધારો કરે છે, તો લગભગ 48 લાખ કર્મચારીઓ અને 68 લાખ પેન્શનધારકોને ફાયદો થશે.
હાલમાં 31 ટકા મળી રહ્યું છે ડીએ
હાલમાં કર્મચારીઓને 31 ટકા ડીએ મળે છે. તેમાં 3 ટકાના વધારા સાથે સરકારી કર્મચારીઓના વેતનમાં લગભગ 20,000 રૂપિયા અને ન્યૂનતમ 6480 રૂપિયા સુધી વધારો આવી જશે. એઆઈસીપીઆઈના આંકડા અનુસાર ડિસેમ્બર 2021 સુધી ડીએ 34.04 ટકા પહોંચી ગયું છે. જો કોઈ કર્મચારીનું મૂળ વેતન 18,000 રૂપિયા મહિનો છે, તો નવુ ડીએ 34 ટકા થવા પર 6120 દર મહિને મળશે, હાલમાં ડીએ 31 ટકા હોવા પર 5580 મળી રહ્યું છે.
ક્યારે થઈ હતી ડીએની શરૂઆત
મોંઘવારી ભથ્થા કર્મચારીઓના રહેવા અને ખાવાના સ્તરને સારુ બનાવા માટે આપવામાં આવે છે. દર વર્ષે જાન્યુઆરી અને જૂલાઈમાં ડીએમાં ફેરફાર થયા છે. ભારતામં મુંબઈમાં 1972માં સૌથી પહેલા મોંઘવારી ભથ્થાની શરૂઆત કરવામાં આવી હતી. ત્યાર બાદ કેન્દ્ર સરકાર હાલમાં સરકારી કર્મચારીઓને મંઘવારી ભથ્થા આપે છે. ગત વર્ષે જૂલાઈ અને ઓક્ટોબરમાં કેન્દ્રીય કર્મચારીઓના ડીએમમાં બે વાર વધારો થયો હતો.