મહામારી / સરકારની ચેતવણી : ભારતમાં કોરોનાનો પ્રકોપ હજી બાકી, ફરી આવશે મહામારી

• હજી કોરોનાનું ઉચ્ચ સ્તર આવવાનું બાકી છે   
• આ વાયરસ ક્યાંય ગયો જ નથી, સમગ્ર ભારતમાં છે
• કોરોનાનું ઉચ્ચ સ્તર જાણવા માટેનું કોઈ મોડેલ જ નથી

હજી કોરોનાનું ઉચ્ચ સ્તર આવવાનું બાકી છે 
આ ચેતવણી નીતિ આયોગના સભ્ય ડૉક્ટર વીકે પોલે આપી હતી અને આ મહામારીથી લડવા માટે રાજ્યોની મદદ લઈ રાષ્ટ્રીય સ્તર પર સ્વાસ્થ્ય સબંધી દરેક સ્તરને મજબૂત કરવામાં આવશે. સાથે જ આ વાયરસથી બચવા માટે તમામ પ્રયાસો કરવામાં આવશે. સાથે જ તેમણે કહ્યું કે સરકારને બીજી લહેર વિશે જાણકારી નોહતી આ આરોપ સાવ ખોટો છે. અમે સરકારને જાણ કરી જ હતી કે ભારતમાં બીજી લહેર આવશે જ. તેમનું કહેવું છે કે હાલ 20 ટકા લોકો આ વાયરસથી સંક્રમિત થયા છે, પરંતુ 80 ટકા લોકો સંક્રમિત થશે. 

Any vaccine that is approved by FDA, WHO can come to India. Import license will be granted within 1-2 days. No import license is pending: Dr VK Paul, Member (Health), NITI Aayog#COVID19 pic.twitter.com/7wOdnfxlYz

— ANI (@ANI) May 13, 2021

આ વાયરસ ક્યાંય ગયો જ નથી, સમગ્ર ભારતમાં છે 
વધુમાં તેમણે જણાવ્યું કે આ વાયરસ ક્યાંય ગયો જ નથી. અને આ સ્થિતિ બીજા બધા દેશોની પણ છે. 13 મે એ થયેલ બેઠક દરમ્યાન તેમણે કહ્યું કે PM મોદીએ 17 માર્ચે દેશને સંબોધન કર્યું ત્યારે સ્પષ્ટ રીતે કહ્યું કે કોરોના વાયરસની બીજી લહેર આવી ચૂકી છે અને તેથી લોકોએ હેરાન થવાની જરૂર નથી અને તેનાથી લડવાની જરૂર છે, સુરક્ષિત રહેવાની જરૂર છે. 

કોરોનાનું ઉચ્ચ સ્તર જાણવા માટેનું કોઈ મોડેલ જ નથી 
જ્યારે તેમણે પૂછવામાં આવ્યું ક શું કોરોના હવે તેના ઉચ્ચ સ્તર પર આવી ગયો છે? ત્યારે તેના જવાબમાં તેઓએ જણાવ્યું કે તેવું કોઈ મોડેલ જ નથી, જેનાથી અંદાજો લગાવી શકાય કે તે ક્યારે ઉચ્ચ સ્તર પર જશે. કોરોનાના આ વાયરસના વ્યવહાર ઘણા જટિલ છે તે આખી દુનિયા જાણે છે. તેમણે વધુમાં જણાવ્યું કે આ વાયરસ હજી તેનું રૌદ્ર સ્વરૂપ બતાવશે. બસ આ વાત અમે જાણીએ છીએ એટલે દેશભરમાં તેની પૂર્વ તૈયારીઓ ચાલી રહી છે. સ્વાસ્થ્ય સુવિધાઓને વધારવામાં આવી રહી છે. અને સાથે જ લોકોને કોરોનાના નિયમોનું પાલન પણ કરવું પડશે, જેથી વધુમાં વધુ લોકો સુરક્ષિત રહી શકે. 

તેમનું કહેવું છે કે બીજા દેશો જેવી હાલત આપણાં દેશની નથી થઈ. બીજા દેશોમાં તો ઘણી મોટી મહામારી થઈ હતી. પણ ભારતમાં હવે તે દરેક ખૂણે પહોંચી ગઈ છે. પહાડોથી લઈ ગામડાઓ સુધી તે પોતાનું સ્વરૂપ દેખાડી રહ્યું છે.