કરન્સી નોટ / મોદી સરકાર જલ્દી લાવશે હવે આટલા રૂપિયાની નવી નોટ, જાણો ડિઝાઈન અને રંગ

• જલ્દી આપના ખિસ્સામાં 1 રૂપિયાની નવી કરન્સી નોટ જોવા મળશે
• 1 રૂપિયાની આ નોટોની પ્રિન્ટિંગ ભારતીય રિઝર્વ બેન્ક નહીં પરંતુ નાણા મંત્રાલય કરશે
• આ નોટ પર એક રુપિયા 2020 સીરિઝના એક રૂપિયાના સિક્કાની રેપ્લિકા પણ છપાયેલી હશે

એક રૂપિયાની નવી નોટમાં 'ભારત સરકાર' લખેલુ હશે. આ 'Government of India'ની બિલકુલ ઉપર લખેલુ હશે. આ નોટ પર નાણા સચિવ અતનુ ચક્રવર્તીના હસ્તાક્ષર હશે. તેમના આ હસ્તાક્ષર હિન્દી અને અંગ્રેજી, બંને ભાષાઓમાં હશે. 

આ નોટ પર એક રુપિયા 2020 સીરિઝના એક રૂપિયાના સિક્કાની રેપ્લિકા પણ છપાયેલી હશે,  જેના પર 'સત્યમેવ જયતે' પણ લખાયેલું હશે. સાથે જ નંબરિંગ પેનલ પર 'L' પણ લખેલુ હશે. નોટની જમણી બાજુ નીચેની તરફ કાળી પટ્ટીમાં નંબરિંગ પેનલ હશે. આ નોટ પર પહેલા ત્રણ અલ્ફાન્યૂમેરિક કેરેક્ટર્સ એક સાઇઝમાં લખવામાં આવેલા હશે. 

નોટની બીજી તરફ શબ્દોમાં 'ભારત સરકાર' અને 'Government of India' પણ લખવામાં આવેલુ હશે. આ નોટમાં બનાવેલા 1 રૂપિયાના સિક્કા પર 2020 લખેલુ હશે અને રુપિયાનો સિમ્બોલ પણ બનેલો હશે. 

રૂપિયાના સિમ્બોલની સાથે જ અનાજની ડિજાઇન પણ બની હશે, જે દેશની કૃષિને દર્શાવશે. સાથે જ નોટ પર 'Sagar Samrat' નું પણ ચિત્ર હશે, જે દેશની ઓઇલ એક્સપ્લોરેશનને દર્શાવશે. 

આ નોટનો રંગ મુખ્યત્વે ગુલાવી અને લીલો હશે. જોકે, તેના પર અન્ય રંગોનો પણ ઉપયોગ કરવામાં આવી શકે છે. એક રૂપિયાના આ નોટની સાઇઝ 9.7 x 6.3 સેન્ટી મીટર હશે. એક રૂપિયાની નવી નોટ પર મલ્ટી ટોન પર અશોક પિલરનો વૉટરમાર્ક છે. ડાબી તરફ ઉપરથી નીચે તરફ ભારત લખેલુ હશે.