સંશોધન / ચીફ ઓફ ડિફેન્સ સ્ટાફ માટે સેનાના નિયમોમાં બદલાવ, ઉમંર મર્યાદા વધારીને આટલી કરવામાં આવી

રક્ષા મંત્રાલય દ્વારા જારી સૂચના અનુસાર સૈન્ય નિયમાવલી, 1954માં બદલાવ કરવામાં આવ્યો છે. સુરક્ષા મામલા પર કેબિનેટ સમિતિએ મંગળવારે ઐતિહાસિક નિર્ણય લેતા સીડીએસ (CDS)ના સર્જનને મંજૂરી પ્રદાન કરી હતી, જે ત્રણેય સેનાઓ સંબંધિત તમામ મામલાઓ માટે રક્ષા મંત્રીના પ્રમુખ સૈન્ય સલાહકાર તરીકે કામ કરશે.

નિયમોના અનુસાર સૈન્ય પ્રમુખ વધુમાં વધુ 3 વર્ષ અથવા 62 વર્ષની ઉમંર સુધી, જે પણ પહેલા આવે, સેવા કરી શકે છે. સીડીએસ ચાર સ્ટાર જનરલના રેન્કનો અધિકારી હશે. 

નોંધનીય છે કે, 15 ઓગસ્ટે લાલ કિલ્લાથી પીએમ નરેન્દ્ર મોદી સેનાના ત્રણેય અંગોને પ્રમુખ તરીકે 'ચીફ ઓફ ડિફેન્સ સ્ટાફ' (CDS) પદનું એલાન કર્યું હતું. 

શું હશે CDSનું કામ

1999માં કારગિલ સમીક્ષા સમિતિએ સરકારને એકલ સૈન્ય સલાહકાર તરીકે ચીફ ઓફ ડિફેન્સ સ્ટાફના સર્જનની ભલામણ કરી હતી. અધિકારીઓએ જણાવ્યું કે સીડીએસનું મુખ્ય કાર્ય સંસાધનોના યોગ્ય ઉપયોગ માટે સૈન્ય કમાનોનું પુનર્ગઠન કરવું, સાથે જ સંયુક્ત થિયેટર કમાન માટે ગઠનના માધ્યમથી અભિયાનોને સંયુક્ત રૂપે ચલાવવાનું રહેશે.