શું આર્ટિફિશિયલ ઈન્ટેલિજન્સ (Artificial Intelligence) કોઈ હ્મૂમન રેડિયોલોજિસ્ટની સરખામણીમાં વધુ ચોક્કસ રીતે કેન્સરના દર્દીઓની ઓળખ કરી શકે છે? જો આ સવાલ ગૂગલને પૂછવામાં આવશે તો જવાબ હા હશે. ગૂગલનો દાવો છે કે, તેણે એક એવું એઆઈ મોડલ (AI Model) વિકસાવ્યું છે, જે હ્યૂમન રેડિયોલોજિસ્ટથી વધુ સારી રીતે કેન્સરના દર્દીઓની ઓળખ કરી શકશે. 6 રેડિયોલોજિસ્ટને લઈને એક સ્ટડી કરવામાં આવી છે, જેમાં એઆઈ સિસ્ટમે સૌથી સારું પ્રદર્શન કર્યું છે. ગૂગલ આ પ્રોજેક્ટ પર યૂકે અને યૂએમાં સ્થિત ક્લિનિકલ રિસર્ચ પાર્ટનર્સની સાથે મળીને 2 વર્ષથી કામ કરી રહ્યું છે. એક રિપોર્ટમાં કંપનીએ આ અંગે જાણકારી આપી છે.
ગૂગલ કરશે કેન્સરના દર્દીઓનું નિદાન
ગૂગલ મુજબ AI Model વધુ ચોક્કસ રીતે કેન્સરના દર્દીઓની ઓળખ કરી શકે છે
આ ટેકનોલોજી દર્દીઓમાં ખોટું નિદાન ઘટાડવામાં મદદ કરશે
ગૂગલે કહ્યું, ગૂગલ મોડલ રેડિયોલોજિસ્ટને રિપ્લેસ નહીં કરે. જોકે, કંપનીનું કહેવું છે કે, આનું અલ્ગોરિધમ સિંગલ રેડિયોલોજિસ્ટની સરખામણિીમાં બેસ્ટ છે. સામાન્ય રીતે બ્રેસ્ટ કેન્સરના કેસમાં મેમોગ્રામને ઘણાં રેડિયોલોજિસ્ટ દ્વારા ચેક કરવામાં આવે છે. પરંતુ યૂએસમાં એક રેડિયોલોજિસ્ટ અને યૂકેમાં બે રેડિયોલોજિસ્ટ બ્રેસ્ટ કેન્સર ડિટેક્શન કરે છે. જ્યારે ભારતમાં તેના માટે કોઈ જ નિશ્ચિત પેટર્ન નથી.
મેમોગ્રામથી શરૂઆતી બ્રેસ્ટ કેન્સર વિશે જણી શકાય છે
અમેરિકન કેન્સર સોસાયટી મુજબ, મેમોગ્રામથી શરૂઆતી બ્રેસ્ટ કેન્સર વિશે જણી શકાય છે, પરંતુ તેનો ઈલાજ સરળ નથી. પણ જો ગૂગલના અલ્ગોરિધમની વાત કરીએ તો જરૂરી નથી કે તે, રેડિયોલોજિસ્ટને રિપ્લેસ કરી શકશે. રિપોર્ટ મુજબ, ભારતમાં દર 2,18,000ની જનસંખ્યા પર એક રેડિયોલોજિસ્ટ છે. તો આવી સ્થિતિમાં આ ટેક્નિકથી સહાય મળી શકે છે. જોકે, ડોક્ટર્સનું કહેવું છે કે, એઆઈ ક્યારેય હ્યૂમનની જગ્યા લઈ શકશે નહીં. ખાસ કરીને કેન્સર જેવી ગંભીર બીમારીઓમાં તો નહીં લઈ શકે. પણ તેનો એક ઉપકરણ કરીકે ઉપયોગ કરી શકાય છે.