પ્રતિક્રિયા / ભારતને ટ્રોલ કરી રહ્યો હતો પાકિસ્તાની ફેન, ગૂગલ CEO સુંદર પિચાઈએ બોલતી બંધ કરી નાખી

• સુંદર પિચાઈએ દિવાળી પર પાઠવી શુભેચ્છા
• ભારત-પાકિસ્તાન મેચ પર કરી કોમેન્ટ
• પિચાઈએ પાકિસ્તાની યુઝરને ટ્રોલ કર્યો 

T20 વર્લ્ડ કપ 2022માં ભારતે અને પાકિસ્તાનની 4 વિકેટથી હરાવીને સુપર-12 સ્ટેજના પોતાના મિશનની શાનદાર શરૂઆત કરી છે. મેલબોર્નમાં રમાયેલી આ મેચમાં વિરાટ કોહલીએ ટીમ ઈન્ડિયા માટે કમાલ કરી બતાવી હતી. મેચ બાદ ઘણી અદભૂત કોમેન્ટો અને પ્રતિક્રિયાઓ આવી અને ઘણાબધા પાકિસ્તાનનીઓને જોરદાર ટ્રોલ પણ કર્યા છે. ગૂગલના સીઈઓ સુંદર પિચાઈએ પણ ભારત-પાકિસ્તાન મેચ પર ટિપ્પણી કરી અને પાકિસ્તાની પર મજા લીધી હતી. ગુગલના સીઈઓ સુંદર પિચાઈને ભારતની જીતના જશ્નમાં સામેલ થયા છે અને તેમણે એક પાકિસ્તાની યુઝરનો ટ્રોલ કર્યો છે.

સુંદર પિચાઈએ શુભેચ્છા ટ્વીટ
સુંદર પિચાઈએ સોશિયલ મીડિયા પર દિવાળીની શુભેચ્છા પાઠવતા ભારત-પાકિસ્તાન મેચની છેલ્લી ત્રણ ઓવરનો ઉલ્લેખ કર્યો હતો. આ ટ્વિટના જવાબમાં એક પાકિસ્તાની ફેને સુંદર પિચાઈને પ્રથમ ત્રણ ઓવર જોવાની સલાહ આપી હતી, જેમાં કેએલ રાહુલ-રોહિત શર્મા આઉટ થયા હતા. આ પ્રતિક્રિયા બાદ સુંદર પિચાઈએ આ જોરદાર પોસ્ટ શેર કરી હતી.

સુંદર પિચાઈએ કરી ટ્વીટ
સુંદર પિચાઈએ ટ્વીટમાં લખ્યું હતું કે, હેપ્પી દિવાળી મને આશા છે કે દરેક જણ પોતાના પરિવાર અને દોસ્તો સાથે મળીને દિવાળી મનાવી રહ્યાં હશે. તેણે વધુમાં લખ્યું હતું કે મેં આ દિવાળી છેલ્લી ત્રણ ઓવર જોઈ મનાવી છે. શુ શાનદાર મેચનો પરપરફોર્સ હતું, હેપ્પી દિવાળી. સુંદર પિચાઈની ટ્વીટ બાદ એક પાકિસ્તાની યુઝરે જવાબમાં લખ્યું હતું કે, તમારે શરૂઆતની ત્રણ ઓવર જોવી જોઈએ. જે બાદ પિચાઈએ લખ્યું હતું કે, મે તે પણ જોઈ હતી જેમાં ભુવનેશ્વર અને અર્શદીપ સિંહની કમાલની સ્પેલ નાંખી હતી. પાકિસ્તાની યુઝરે ટીમ ઈન્ડિયાને ટ્રોલ કરી રહ્યો હતો જ્યાં સુંદર પિચાઈએ પાકિસ્તાનની બેટીંગ યાદ અપાવી પાકિસ્તાનની ટીમને ટ્રોલ કર્યો હતો.

રસાકસી ભરી હતી મેચ
તમને જણાવી દઈએ કે, આ મેચમાં પાકિસ્તાને પ્રથમ બેટિંગ લઈ 159 રન બનાવ્યા હતા, પાકિસ્તાન તરફથી શાન મસૂદ અને ઈફ્તિખાર અહેમદે ફિફ્ટી ફટકારી હતી.  જવાબમાં ટીમ ઈન્ડિયાએ છેલ્લા બોલ પર જઈને આ મેચ જીતી લીધી હતી. વિરાટ કોહલીએ ભારત માટે ઐતિહાસિક ઇનિંગ રમી અને 82 રન બનાવ્યા હતા તેમજ હાર્દિક પંડ્યાએ 40 રન બનાવ્યા હતાં.