આજે 22 ઓક્ટોબરે ધનતેરસ છે. આ દિવસે સોના-ચાંદીની ખરીદી ખૂબ જ શુભ માનવામાં આવે છે. જો તમે પણ સોના-ચાંદીની ખરીદી કરવા જઈ રહ્યા છો તો તમારા માટે ખબર કામની થઈ શકે છે.
22 ઓક્ટોબર આજે છે ધનતેરસ
ધનતેરસ પર સોના-ચાંદીના ભાવમાં કડાકો
ખરીદતા પહેલા જાણી લો આજના લેટેસ્ટ ભાવ
આજે 22 ઓક્ટોબરે ધનતેરસ છે. આ દિવસે સોના-ચાંદી ખરીદવું ખૂબ જ શુભ માનવામાં આવે છે. જો તમે પણ સોના-ચાંદીની ખરીદી કરવા જઈ રહ્યા છો તો તમારા માટે આ ખબર કામની છે. જણાવી દઈએ કે પાછલા ઘણા દિવસથી સતત સોના અને ચાંદીના ભાવ ઘટી રહ્યા છે. એવામાં ગ્રાહક ગોલ્ડ-સિલ્વર ખરીદવાને લઈને ઉત્સાહિત છે.
વેપારીઓનું પણ માનવું છે કે આ વર્ષે ધનતેરસ દિવાળી પર બમ્પર ખરીદી થઈ શકે છે. તમને જણાવી દઈએ કે બજારમાં સોનું આ વર્ષે રેકોર્ડ હાઈથી લગભગ 3500 રૂપિયા સસ્તુ મળી રહ્યું છે. ત્યાં જ ચાંદી 15,000 રૂપિયા સસ્તુ મળી રહ્યું છે. આજો જાણીએ લેટેસ્ટ રેટ.
3541 રૂપિયા સસ્તુ થયું સોનું
વૈશ્વિક બજારોમાં ધાતુઓની કિંમતોમાં ઘટાડા વચ્ચે બુલિયન માર્કેટમાં સોનાના ભાવમાં ઘટાડો થયો છે. ઈન્ડિયન બુલિયન એન્ડ જ્વેલર્સ એસોસિએશન (IBJA) અનુસાર, હાલમાં 24 કેરેટ સોનાની કિંમત 50062 રૂપિયા પ્રતિ દસ ગ્રામ છે. આ વર્ષે 18 એપ્રિલે સોનું રૂ. 53,603ની સપાટીએ પહોંચી ગયું હતું. એટલે કે આ સમયે સોનું તેની રેકોર્ડ હાઈથી 3541 રૂપિયા સસ્તું થઈ રહ્યું છે.
14 કેરેટનું સોનું 29,286 રૂપિયા પ્રતિ 10 ગ્રામ પર વેચાઈ રહ્યું છે.
ચાંદીના ભાવમાં જોરદાર ઘટાડો
IBJA અનુસાર, 1 કિલો ચાંદીની કિંમત રેકોર્ડ હાઈથી ઘટીને 15335 રૂપિયા થઈ ગઈ છે. જણાવી દઈએ કે આ વર્ષે 8 માર્ચે ચાંદી 70890 રૂપિયા પ્રતિ કિલોગ્રામ પર પહોંચી ગઈ હતી. હાલમાં ચાંદીની કિંમત 55555 રૂપિયા પર આવી ગઈ છે. એટલે કે ચાંદી તેના રેકોર્ડ હાઈથી 15335 રૂપિયા સસ્તી થઈ રહી છે.
આ સપ્તાહની વાત કરીએ તો ચાંદી ગયા શુક્રવારે 56042 રૂપિયાની સામે આ શુક્રવારે 55555 રૂપિયા પર બંધ થઈ. એટલે કે એક સપ્તાહમાં તે 487 રૂપિયા સસ્તું થઈ ગયું છે. તમને જણાવી દઈએ કે IBJAનો દર દેશભરમાં સર્વમાન્ય છે. જો કે, આ વેબસાઇટ પર આપવામાં આવેલા દરમાં GSTનો સમાવેશ થતો નથી.
તમે સોનાની ખરીદી અને વેચાણ કરતી વખતે IBJA દરનો સંદર્ભ લઈ શકો છો. ઈન્ડિયા બુલિયન એન્ડ જ્વેલર્સ એસોસિએશનના જણાવ્યા અનુસાર, IBJA દેશભરના 14 કેન્દ્રો પરથી સોના અને ચાંદીના વર્તમાન દર લે છે અને તેનું સરેરાશ મૂલ્ય આપે છે. સોના અને ચાંદીના વર્તમાન દર સ્થાને અલગ અલગ હોઈ શકે છે, પરંતુ તેમની કિંમતોમાં થોડો તફાવત હોય છે.