તેજી / દેશમાં સોનાનો ભાવ ઐતિહાસિક સપાટીએ પહોંચ્યો, ચાંદી પણ નવી ઊંચાઈએ

• ચીન-અમેરિકા તણાવ વચ્ચે વધી સોનાની કિંમત
• વાયદા બજારમાં પ્રતિ 10 ગ્રામ 47,500 ઉપર પહોંચ્યું સોનું
• ચાંદીમાં પણ 2,586 રૂપિયા પ્રતિ કિલોએ વધ્યાં

શુક્રવારે છેલ્લા કારોબારી દિવસે ચાંદીમાં વાયદાના કારોબારમાં પણ રૂ. 2,586 ના વધારા સાથે આંતરરાષ્ટ્રીય બજારમાં સોનું 1.1 ટકા વધીને 1,760.85 ડોલર પ્રતિ ઓંસના સ્તરે પહોંચ્યું છે. શુક્રવારે ભારતીય વાયદા બજારમાં 24 કેરેટ સોનાનો ભાવ પ્રતિ 10 ગ્રામ 47,067 રૂપિયાની નવી ટોચ પર પહોંચી ગયો છે. દેશમાં લોકડાઉનને કારણે સ્પોટ માર્કેટમાં કારોબાર લગભગ સ્થિર છે.

50 હજારની સપાટીની ઉપર જોવા મળ્યું સોનું

એવું જોવા મળી રહ્યું છે કે લોકડાઉન-4માં સોનું 50,000ના લેવલ સુધી પહોંચી જશે. સોનાની કિંમતોમાં સોમવારે મજબુતી જોવા મળી હતી. MCX પર સોનાના ભાવ સતત 46,000ની સપાટી ઉપર જોવા મળી રહ્યાં છે. કોરોનાને લઇને વધતી ચિંતા અને અમેરિકાનના ફેડ પાસેથી વધુ રાહત મળવાની આશા સાથે સોનાની કિંમતને સપોર્ટ મળી રહ્યો છે. 
 

જો કે એ વાતની શક્યતા જોવા મળી રહી છે કે સોનું જલ્દી જ 50,000 રૂપિયા પ્રતિ 10 ગ્રામના સ્તરે જોવા મળશે. તમામ સંકતો બતાવી રહ્યાં છે કે દુનિયાની અર્થવ્યવસ્થામાં મંદી જોવા મળી રહી છે અને સોનું સુરક્ષિત રોકાણ તરીકે જોવા મળી રહ્યું છે. શેરબજરામાં પણ ભારે ઘટાડા વચ્ચે રોકાણકારોનું વલણ પણ સોના તરફ ઢળ્યું છે. ગોલ્ડ ઇટીએફ તરફથી કરવામાં આવી રહેલી ભારે ખરીદદારી પણ તેનો સંકેત છે. 

ગત અઠવાડીયે પણ જોવા મળ્યો હતો રેકોર્ડ

ઉલ્લેખનીય છે કે લોકડાઉન-3માં સપાટ ચાલ જોવા મળેલા સોનું 15 મે  બાદ અચાનક ઓલટાઇમ રેકોર્ડ સ્તર પર જોવા મળ્યું. ગત અઠવાડિયે સોના-ચાંદીની કિંમતમાં શુક્રવારે મોટો ઉછાળો જોવા મળ્યો હતો. 

શું કામ સોનાની કિંમતમાં થયો વધારો

સોનું મુખ્યતઃ આંતરરાષ્ટ્રીય સંકેતોના કારણે વધારે મજબૂત બન્યું છે. કોરોના સામેની લડાઇ માટે અમેરિકાના કેન્દ્રીય બેંક ફેડરલ રિઝર્વ પાસેથી વધુ આશા છે.