કિંમત / કોરોના વાયરસના કારણે વધી રહ્યા છે સોનાના ભાવ, જાણો કેવી રીતે

• 10 ગ્રામ સોનાની કિંમત 78 રૂપિયાની તેજી નોંધાઈ 
• માંગ વધવાના કારણે નોંધાઈ તેજી 
• ચાંદીની કિંમતમાં 35 રૂપિયાનો ઉછાળો 

ચીનમાં કોરોના વાયરસના કારણે દુનિયાભરનાં અર્થતંત્રને અસર પહોંચી રહી છે. તેથી મોટા ભાગના રોકાણકારોએ સુરક્ષિત રોકાણ કરવાનું શરુ કરી દીધું છે. રોકાણમાં સૌથી સુરક્ષિત સોનું માનવામાં આવે છે જેથી તેમાં રોકાણ કારણે તેની કિંમતમાં પણ તેજી આવી છે. 10 ગ્રામ સોનાની કિંમત 78 રૂપિયાની તેજીની સાથે 43,513 રૂપિયા પર પહોંચી છે. આ પહેલાં બે દિવસમાં સોનાની કિંમતમાં એક હજાર સુધીનો ઘટાડો નોંધાયો હતો. 

સોનાના નવા ભાવ : 

દિલ્હીના બજારમાં 10 ગ્રામ સોનાની કિંમત 43,435 રૂપિયાથી વધી 43, 564 રૂપિયા થયો છે. આંતરરાષ્ટ્રીય બજારમાં સોનું 1649 ડોલર પ્રતિ ઔંસ અને ચાંદી 18.05 ડોલર પ્રતિ ઔંસ પર છે. 

ચાંદીના ભાવ : 

ચાંદીની કિંમતમાં મામૂલી તેજી આવી છે. ચાંદીની કિંમત 35 રૂપિયાનાં ઉછાળા સાથે 48,130 રૂપિયા પ્રતિ કિલોગ્રામ પર છે. જયારે બુધવારે ચાંદીની કિંમત ઘટીને 48,146 રૂપિયા હતી. 

નિષ્ણાતોનું માનવું છે કે માંગ વધવાના કારણે બજાર પર તેની અસર વર્તાઈ રહી છે. જોકે સોનુંમાં ખૂબ તેજી આવી જાય તેની સંભાવના ઓછી છે.