કોમોડિટી / કોરોનાના કહેર વચ્ચે સોનાના વાયદાના ભાવમાં ઉછાળો, જાણો શું છે આજનો ભાવ

• કોરોનાના કહેર વચ્ચે સાના-ચાંદીના ભાવમાં ઉછાળો
• જાણો સોનાના તથા ચાંદીના આજના ભાવ 

ઉલ્લેખનીય છે કે, કોરોના વાયરસને કારણે દેશમાં બુધવારના રોજ 21 દિવસ માટે સંપૂર્ણ લોકડાઉન લાગુ કરવામાં આવ્યું છે. આ લોકડાઉનને કારણે ઔદ્યોગિક અને વેપારી ગતિવિધિઓ પર સીધી જ અસર પડી છે. દેશભરમાં લોકડાઉનના કારણે સોનાના બજારમાં બુધવારે પણ બંધ રહ્યું છે. 

દેશભરમાં લોકડાઉનની સ્થિતિ

HDFC Securities એ આ અંગેની જાણકારી આપી હતી. સ્પોટ બુલિયન માર્કેટ એક દિવસ પણ ખૂલી શક્યા નથી. કોરોના વાયરસના સંક્રમણની ચેન તોડવા માટે કેન્દ્ર અને રાજ્ય સરકારો દ્વારા દેશમાં લોકડાઉનની જાહેરાત કરવામાં આવી છે. 

આંતરરાષ્ટ્રીય બજારમાં સોના-ચાંદીના સ્થિર ભાવ 

આંતરરાષ્ટ્રીય બજારની વાત કરીએ તો, ત્યાં બુધવારે સોના અને ચાંદી બંન્નેની સ્થિતિ સ્થિર જોવા મળી. વૈશ્વીક સ્તર પર સોનું બુધવારે 1600 ડોલર પ્રતિ ઔંસ પર અને ચાંદી 14.28 ડોલર પ્રતિ ઔંસ પર યથાવત રહી હતી. 

વાયદા બજારમાં ચાંદીના ભાવની વાત કરીએ તો, તેમાં પણ બુધવારે સાંજે સામાન્ય તેજી જોવા મળી રહી હતી. MCX પાંચ મે 2020ની ચાંદીના વાયદાનો ભાવ બુધવારે સાંજે 0.13 ટકા અથવા 51 રૂપિયાની તેજી સાથે 40,575 રૂપિયા પ્રતિ કિલોગ્રામ ટ્રેન્ડ્ર કરતો જોવા મળ્યો.