માર્કેટ / એક મહિનામાં આટલા બધા ઘટી ગયા સોનાના ભાવ, જાણો હવે આગળ શું થશે?

• એક મહિનામાં સોનું 4000 રૂપિયા જેટલું સસ્તું થયું છે 
• અમેરિકા સહિત મોટા અર્થતંત્રોમાં રિકવરીની આશાએ સોનાના ભાવ દબાણ હેઠળ છે 
• સોનાના ભાવમાં 1600 ડોલરથી 2275 ડોલર વચ્ચે અથડાઇ શકે છે 

વિશ્વના સૌથી મોટા અર્થતંત્ર, અમેરિકા અને યુરોપિયન દેશોમાં આર્થિક વિકાસની ગતિ પુનઃ વધવાની આશા અને રિકવરીના લેવાઈ રહેલા સ્ટેપ્સના કારણે સોનાના ભાવ દબાણ હેઠળ છે. શુક્રવારે કોમેક્સ પર સોનાના ભાવમાં 1 ટકાથી વધુનો ઘટાડો થયો છે. 

મોટી રેટિંગ એજન્સીઓનું અનુમાન, આવતા વર્ષ સુધી સોનામાં નહીં જોવા મળે કોઈ મોટો વધારો 

સમાચાર એજન્સી રોઈટર્સના જણાવ્યા પ્રમાણે તે  ઘટીને 1941 ડોલર પ્રતિ ઔંસની સપાટીએ આવી ગઈ છે. આના પર, વિશ્વભરની મોટી રેટિંગ એજન્સીઓનું માનવું છે કે આવતા વર્ષના પ્રારંભ સુધીમાં હવે સોનામાં કોઈ મોટો વધારો થવાની સંભાવના નથી.

સિટી ગ્રૂપના તાજેતરના અહેવાલમાં એવું કહેવામાં આવી રહ્યું છે કે આજે સોનાના ભાવમાં વધારો થવાની સંભાવના 30 ટકા છે, જ્યારે કે તેમાં ઘટાડો થવાની સંભાવના 20 ટકા છે. 

રિપોર્ટમાં કહેવામાં આવ્યું છે કે જો ભાવ વધે તો સોનાના ભાવ પ્રતિ ઔંસ 2275 ડોલર સુધી પહોંચી શકે છે. તે જ સમયે, જો તેઓ ઘટશે તો તેઓ પ્રતિ ઔંસના 1600 ડોલરના સ્તર પર આવી શકે છે. 

એક મહિનામાં સોનું 4000 રૂપિયા સસ્તુ થયું 

 જો કે સ્થાનિક બજારના ટ્રેન્ડને જોવામાં આવે તો સોનાના ભાવ સતત નીચે આવી રહ્યા છે. આ પાછળનું મુખ્ય કારણ રૂપિયાની મજબૂતાઈ હોવાનું કહેવામાં આવી રહ્યું છે. 10 ઓગસ્ટે સોનાનો ભાવ 10 ગ્રામ દીઠ રૂપિયા 56200 ની સપાટીએ પહોંચ્યો હતો. તે જ સમયે, હવે તે સ્થાનિક બજારમાં દસ ગ્રામ દીઠ 52 હજાર રૂપિયા જેટલો આવી ગયો છે. 

સતત ચોથા દિવસના વધારા પછી શુક્રવારે દિલ્હી બુલિયન માર્કેટમાં સોનાના ભાવમાં ઘટાડો થયો. 99.9 ટકા સાથે 10 ગ્રામ સોનાનો ભાવ 52,643 રૂપિયાથી ઘટીને 52,452 રૂપિયા જઈ  પહોંચ્યો છે. આ સમયગાળા દરમિયાન, આ ભાવમાં દસ ગ્રામમાં રૂપિયા 191નો મામૂલી ઘટાડો થયો છે.

શુક્રવારે દિલ્હી બુલિયન માર્કેટમાં એક કિલો ચાંદીનો ભાવ રૂ. 70,431 થી ઘટીને 69,950 રૂપિયા થયો છે. આ સમયગાળા આ દરમિયાન ભાવમાં 990 રૂપિયાનો ઘટાડો નોંધાયો છે.