જલ્દી કરી લો ખરીદી / 4 દિવસમાં 900 રૂપિયા મોંઘું થયું સોનું, વર્ષના અંત સુધી આટલા રૂપિયા થઈ શકે છે કિંમત

• સોનાની ચમક ફરી પરત
• 4 દિવસમાં સોનું 900 રૂપિયા મોંઘું થયું સોનું
• વર્ષના અંત સુધી ભાવ 52000ને પાર થવાના સંકેત

સોના અને ચાંદી ફરી એક વાર 45 હજાર પ્રતિ 10 ગ્રામને પાર થયું છે. 24 કેરેટ સોનું 45,253 રૂપિયા પ્રતિ 10 ગ્રામ પહોંચ્યું છે અને ચાંદીની વાત કરીએ તો તે 67590 રૂપિયા પ્રતિ કિલો થયું છે. એક્સપર્ટનું માનવું છે કે કોરોનાની બીજી લહેર અને લગ્ન સીઝનની શરૂઆત થતાં જ સોનાની માંગ વધવા લાગી છે. આ કારણે સોનું આ વર્ષના અંત સુધીમાં ફરી એકવાર 52 હજારને પાર કરે તેવી આશા રાખવામાં આવી રહી છે. 
 

આ અઠવાડિયે સોનું 921 રૂપિયાથી વધારે મોંઘું થયું
12 માર્ચે શુક્રવારે બજાર બંધ થયું ત્યારે સોનાનો ભાવ 44332 રૂપિયા હતો તે હવે 45253 રૂપિયા થયો છે. એટલે કે 15-18 માર્ચ સુધી સોનું 921 રૂપિયા વધ્યું છે. હજુ પણ તેના ભાવ વધવાની શક્યતા છે. 5 માર્ચે સોનું 43887 રૂપિયા પ્રતિ 10 ગ્રામ હતું. એવામાં ત્યારથી અત્યાર સુધી સોનું લગભગ 1366 રૂપિયા મોંઘું થયું છે. જાણકારોનું માનવું છે કે લગ્ન સીઝન શરૂ થવાની છે આ કારણે સોનાની માંગ વધી રહી છે. 

આંતરરાષ્ટ્રીય બજારમાં સતત વધી રહ્યા છે સોનાના ભાવ
આંતરરાષ્ટ્રીય બજારમાં સોનું મોંઘુ થવા લાગ્યું છે. સોનાની કિંમત 1737 અમેરિકી ડોલર પ્રતિ ઓંસ પર પહોંચી છે. વૈશ્વિક વાયદા ભાવ કોમેક્સ પર સોનું 1737 ડોલર પ્રતિ ઓંસ પર છે. એક સમયે સોનું 1720 ડોલર પ્રતિ ઓંસથી નીચે આવ્યું હતું. 

 
52 હજાર રૂપિયા સુધી જઈ શકે છે સોનું
મળતી માહિતી અનુસાર કોરોનાના કારણે ઓગસ્ટ 2020માં સોનું 56 હજારને પાર થયું હતું. ફરી એકવાર દેશમાં કોરોનાની બીજી લહેર આવી છે. આ સિવાય લગ્ન સીઝન શરૂ થઈ છે. આ કારણે સોનાના ભાવમાં વધારો જોવા મળી શકે છે. આ વર્ષના અંત સુધીમાં તે 52 હજારને પાર પહોંચી શકે છે. આ સિવાય મે મહિનામાં અક્ષય તૃતિયા પણ આવી રહી હોવાથી સોનાની માંગ અને સોનાના ભાવ વધી શકે છે. આ દિવસે સોનું ફરી એક વાર 52 હજારને પાર પહોંચે તેવી શક્યતાઓ છે. એવામાં જો તમે સોનામાં રોકાણ કરવા ઈચ્છો છો તો આ યોગ્ય સમય હોઈ શકે છે.