OMG / VIDEO: યુવતીના યોગથી યુઝર્સ થયા ઈમ્પ્રેસ, લક્ષ્ય જોઈને યાદ આવ્યો 'અર્જુન'

• યુવતીનુ નિશાન જોઈને યુઝર્સને મહાભારતનો અર્જુન યાદ આવ્યો
• શરીરને વાળીને યુવતીએ પોતાના પગથી ધનુષનો તાર ખેંચ્યો
• યુવતીએ આગવાળા તીરને ટાર્ગેટ તરફ છોડ્યુ

યુવતીના પરાક્રમથી યુઝર્સ થયા ઈમ્પ્રેસ

ઈન્ટરનેટ પર તમે ઘણા વીડિયો જોયા હશે. એવામાં સોશિયલ મીડિયા પ્લેટફોર્મ ટ્વિટર પર એક વીડિયો જોઇને તમારા મોંઢામાંથી ઓહ માય ગૉડ નિકળી શકે છે. વીડિયોમાં યુવતીનુ પોસ્ટર જોઈને યુઝર્સને પોતાની આંખ પર વિશ્વાસ આવતો નથી. આ વીડિયોમાં યુવતીએ પોતાના શરીરના લચિલાપનથી અને નિશાનાથી યુઝર્સને ઈમ્પ્રેસ કરી દીધા છે. 

યુવતીનુ ગજબ ધ્યાન, નિશાન 

વીડિયોમાં એક યુવતીને ધનુષ પકડેલી જોઇ શકાય છે. પરંતુ આ ધનુષ હાથથી નહીં પરંતુ પગથી પકડેલુ છે. ધનુષની સાથે જે તીર છે તે પણ કોઈ સામાન્ય તીર નથી. તેમાં આગ લાગી છે. આ યુવતીએ ખતરનાક સ્ટન્ટ કરી લોકોને સરપ્રાઈઝ કરી દીધા છે. થોડી સેકન્ડ બાદ કેમેરો ફરે છે અને સામે એક ટાર્ગેટ દેખાય છે. આ યુવતી પોતાના પગથી ધનુષના તાર ખેંચે છે અને આગવાળા તીરને ટાર્ગેટ તરફ છોડે છે. તમને જાણીને નવાઈ લાગશે કે યુવતીનુ નિશાન ટાર્ગેટની વચ્ચોવચ જઇને વાગે છે. આ પ્રકારના સ્ટન્ટ કોઈ પણ નિષ્ણાંતની દેખરેખ વગર કરવા ખૂબ ખતરનાક સાબિત થઇ શકે છે. પરંતુ યુવતીના પરફેક્શનને જોઇન તમને યુવતીની પ્રેક્ટિસનો અંદાજ આવી ગયો હશે. 

Excellence....

योग: कर्मसु कौशलम pic.twitter.com/0ery2ELdAh

— Dr Jaideep Arya (@swabhimani1) July 10, 2022

વીડિયો જોઇને યુઝર્સ થયા રાજી

અંદાજે 26 સેકન્ડનો આ વીડિયો જોઈને ઘણા યુઝર્સ આ યુવતી પર મંત્રમુગ્ધ થયા છે. આ વીડિયોને અત્યાર સુધી હજારો વ્યુજ મળી ચૂક્યા છે. એટલું જ નહીં, વીડિયોને 26 હજારથી વધુ લાઈક્સ મળી ચૂક્યા છે.