અકસ્માત / ભાવનગરમાં ખીચોખીચ ભરેલી સ્કુલબસમાંથી પટકાતા બાળકીનું મોત, નગરવાસીઓ હિબકે ચઢ્યા

• ભાવનગરમાં વિદ્યાર્થીનીનું બસમાંથી પટકાતા મોત 
• ચાલુ બસમાંથી 14 વર્ષીય વિદ્યાર્થીની પટકાઇ
• શાળા બસ ચાલકે બેફામ બસ ચલાવતા પટકાઇ વિદ્યાર્થીની

ભાવનગરમાં શનિવારની સવાર ખરાબ સમાચાર લઈને આવી હતી ફુલ જેવી કળી જેવી બાળકીનું મોત થતા ભાવનગરવાસીઓ હિબકે ચઢ્યા હતા. હેકડેઠેટ ભરેલી બસમાંથી વિદ્યાર્થીની ચાલુ બસમાં નીચે પટકાઈ હતી અને તેનું મોત થયુ હતુ. 

વાળુકડ માધ્યમિક શાળાની બસમાં થયો અકસ્માત

ભાવનગરમાં વિદ્યાર્થીનીનું બસમાંથી પટકાતા મોત નિપજ્યુ છે. ચાલુ બસમાંથી 14 વર્ષીય વિદ્યાર્થીની પટકાતા મોત થયું છે. શાળા બસ ચાલકે બેફામ બસ ચલાવતા વિદ્યાર્થીની પટકાઇ હતી.વાળુકડ માધ્યમિક શાળાની બસમાં ઠસોઠસ વિદ્યાર્થી ભર્યા હતા જેને કારણે આ ઘટના ઘટી હતી. 

બાળકીનું મોત થતા પોલીસ ફરિયાદ કરવામાં આવી હતી

બાળકીનું મોત થવાને પગલે બીજા કોઈ બાળકનો જીવ વાહન ચાલકો જોખમમાં ન મુકે એટલે ભાવનગરમાં પરિવારે શાળાની બસ ચાલક સામે પોલીસ ફરિયાદ નોંધાવી છે. પોલીસે હાલ તો ફરિયાદ નોંધીને તપાસ હાથ ધરી છે.