કોરોના વાયરસનો કહેર હજુ પણ ઘણા બધા દેશોમાં જોવા મળી રહ્યો છે. કોરોના વાયરસના નવા સ્ટ્રેનના કારણે જ્યાં બ્રિટનમાં પરિસ્થિતિ વણસી રહી છે ત્યાં હવે જર્મનીમાં પણ લોકડાઉન લંબાવી દેવામાં આવ્યું છે.
બ્રિટન બાદ જર્મનીમાં લંબાવાયું લોકડાઉન
કોરોના વાયરસના કારણે યુરોપના દેશોમાં હાહાકાર
કોરોના વેક્સિન આવ્યા બાદ પણ નથી રોકાઈ રહ્યો વાયરસ
કોરોનાનો કહેર
કોરોના વાયરસ મહામારી રોકાવાનું નામ નથી લઈ રહી, વાયરસ સામે જ્યાં અત્યારે ઘણા બધા દેશોમાં રસી આપવાની શરૂઆત કરવામાં આવી છે છતાં બ્રિટનના કોરોના વાયરસના નવા સ્વરૂપના કારણે વિશ્વભરની ચિંતા માં વધારો થઈ રહ્યો છે. બ્રિટનમાં જ્યાં એક તરફ લોકોને રસી આપવામાં આવી રહી છે ત્યાં બીજી તરફ કેસ એ સ્તર પર વધ્યા છે કે લોકડાઉન વધારવાની ફરજ પડી છે. બ્રિટનની જેમ જ જર્મનીમાં પણ વાયરસનો કહેર જોવા મળી રહ્યો છે જે બાદ આ મહિનાના અંત સુધી લોકડાઉન લંબાવી દેવામાં આવ્યું છે.
જર્મનીમાં સજ્જડ બંધ
બ્રિટન બાદ હવે જર્મનીમાં પણ ફરીવાર કડક લોકડાઉન લાગુ કરી દેવામાં આવ્યું છે. કોરોના વાયરસના વધતાં ખતરાને ધ્યાનમાં રાખીને સરકારે દેશવ્યાપી લોકડાઉન લગાવ્યું છે. જર્મનીના ચાન્સેલર એન્જેલા મર્કેલે લોકડાઉનની જાહેરાત કરી. જર્મનીના ચાન્સેલરે કહ્યું કે અમે મહિનાના અંત સુધી લોકડાઉનનો વિસ્તાર કરવા જઈ રહ્યા છે અને કોરોના વાયરસના સંક્રમણને રોકવા માટે વધુ કડક અને નવા પ્રતિબંધ લગાવવામાં આવી રહ્યા છે.
પહેલા કરતાં અત્યારે વધારે કહેર મચાવી રહયો છે વાયરસ
નોંધનીય છે કે કોરોના વાયરસના કેસ જ્યાં વિશ્વમાં થોડી રાહત મળી રહી છે ત્યાં જર્મનીમાં 30 ડિસેમ્બરે પહેલીવાર કોરોના વાયરસના કારણે એક હજાર લોકોએ જીવ ગુમાવ્યા.
બ્રિટનમાં હાહાકાર
જર્મનીમાં 16મી ડિસેમ્બરે સ્કૂલ-દુકાન વગેરે બંધ કરીને વ્યાપક સ્તર પર લોકડાઉન લાગુ કરવામાં આવ્યું હતું જે 10 જાન્યુઆરી સુધી હતા પણ હવે આ પ્રતિબંધને મહિનાના અંત સુધી લંબાવી દેવામાં આવ્યા છે. બ્રિટનમાં કોરોના વાયરસનું જે નવું રૂપ સામે આવ્યું છે તેના કારણે કહેર જોવા મળી રહ્યો છે જે બાદ વડાપ્રધાન બોરિસ જોહ્ન્સને સોમવારે કડક લોકડાઉનની જાહેરાત કરી હતી.