ઈઝરાયલી એરસ્ટ્રાઈકમાં ગાઝા સ્થિત એક માત્રા કોવિડ ટેસ્ટિંગ લેબ નષ્ટ થઈ ગઈ છે. 213 લોકોના મોત થયા છે.
ઈઝરાયલી હુમલામાં ગાઝા સ્થિત એક માત્રા કોવિડ ટેસ્ટિંગ લેબ નષ્ટ
2500 પેલેસ્ટાઈનીઓને ઘર ગુમાવવું પડ્યુ
અત્યાર સુધીમાં 213 પેલેસ્ટાઈનીના મોત
ઈઝરાયલ અને પેલેસ્ટાઈનની વચ્ચે તણાવ વધતો જ જઈ રહ્યો છે. હમાસ તરફથી ઈઝરાયલ પર રોકેટ લાદવામાં આવી રહ્યા છે. જવાબમાં ઈઝરાયલ તરફથી એરસ્ટ્રાઈક કરવામાં આવી રહી છે. આ બધુ પેલેસ્ટાઈનના બીજી ભાગ એટલે કે ગાઝામાં થઈ રહ્યુ છે. ઈઝરાયલી એરસ્ટ્રાઈકમાં ગાઝા સ્થિત એક માત્રા કોવિડ ટેસ્ટિંગ લેબ નષ્ટ થઈ ગઈ છે.
અત્યાર સુધીમાં 213 પેલેસ્ટાઈનીના મોત
ગાઝાના સ્વાસ્થ્ય મંત્રાલય તરફથી જારી નિવેદનમાં કહેવામાં આવ્યું છે કે ઈસ્લામિક ગ્રુપ હમાસની વિરુદ્ધ ઈઝરાયલની લડાઈની અસર સામાન્ય લોકો પર પડી રહી છે. ઈઝરાયલ તરફથી સ્થાનીક વિસ્તારોમાં કરવામાં આવેલી બોમ્બવર્ષાથી અત્યાર સુધીમાં 213 પેલેસ્ટાઈનીના મોત થયા છે. જેમાં 61 બાળકો સામેલ છે. આ ઉપરાંત 1400થી વધારે લોકો ઘાયલ થયા છે.
2500 પેલેસ્ટાઈનીઓને ઘર ગુમાવવું પડ્યુ
યુનાઈટેડ નેશન (યુએન)એ ઈઝરાયલ અને પેલેસ્ટાઈનની વચ્ચે ચાલી રહેલી આ હિસાને માનવીય સંકટનું નામ આપ્યું છે. યૂએનનું કહેવું છે કે ઈઝરાયલે એરસ્ટ્રાઈકના કારણે અત્યાર સુધીમાં 40 હજાર પેલેસ્ટાઈનીઓને આમ તેમ જવું પડ્યુ છે. લગભગ 2500 પેલેસ્ટાઈનીઓને ઘર ગુમાવવું પડ્યુ છે. જો કે આ હિંસામાં નુકસાન ફક્ત પેલેસ્ટાઈનને નથી થયું. ઈઝરાયલ તરફથી મરનારાની સંખ્યા 12 છે. હમાસે દક્ષિણી એશકોલ વિસ્તારમાં રોકેટ લાદવામાં આવ્યા હતા. જેમાં એક કારખાનામાં કામ કરનારા 2 થાઈ નાગરિકોના મોત થયા અને અન્ય ઘાયલ થયા. જેમાં કેરળની એક મહિલાનું મોત થયું છે.
ઈઝરાયલી હુમલામાં ગાઝા સ્થિત એક માત્રા કોવિડ ટેસ્ટિંગ લેબ નષ્ટ
ઈઝરાયલની એરસ્ટ્રાઈકમાં ગાઝા સ્થિત એક માત્ર કોવિડ ટેસ્ટિંગ લેબ પણ નષ્ટ થઈ ગઈ છે. ગાઝામાં પોઝિટિવિટી રેટ લગભગ 28 ટકા છે. કોરોનાના દર્દીની સારવાર એ હોસ્પિટલમાં ચાલી રહી છે જ્યાં 15 વર્ષથી નાકાબંધી છે. ગાઝાની વસ્તી 2 મિલિયન છે. ઈઝરાયલ અને પેલેસ્ટાઈનની વચ્ચે હિંસક સંઘર્ષની શરુઆત 10 મેએ થઈ હતી. જ્યારે ગાઝા પટ્ટીથી હમાસે લગભગ 3500 રોકેટ લાદ્યા હતા. જેમાંથી મોટા ભાગના રોકેટ ઈઝરાયલે આયરન ડોમે હવામાં જ નષ્ટ કરી નાંખ્યા હતા. જેમાંથી કેટલાક વસ્તી પર પડતા નુકસાન થયું એ બાદ ઈઝરાયલ એરસ્ટ્રાઈકથી હમાસને જવાબ આપી રહ્યુ છે.