અંડરવર્લ્ડના ગેંગસ્ટર સુરેશ પુજારીની ફિલિપાઈન્સમાં ધરપકડ કરવામાં આવી છે. આરોપીની સામે મુંબઈમાં 24 કરતા વધારે કેસ દાખલ થયા છે. જેથી હવે તેને ભારત લાવવાની ગતિવીધી પણ શરૂ કરી દેવામાં આવી છે.
અંડરવર્લ્ડનો વધું એક ગેંગસ્ટાર ઝડપાયો
ફિલિપાઈન્સી કરવામાં આવી સુરેશ પુજારીની ધરપકડ
મુંબઈમાં આરોપી સામે 24 કરતા પણ વધું કેસ દાખલ
મુંબઈ અંડરવર્લ્ડનો વધું એક જાણીતા ચહેરા સુરેશ પુજારીને ફિલિપાઈન્સથી ઝડપી પાડવામાં આવ્યો છે. સુરેશ પુજારીની સામે મુંબઈમાં 24 કરતા પણ વધારે કેસ દાખલ થયા છે. 2007માં તે દેશ છોડીને ભાગી ગયો હતો. મહારાષ્ટ્રમાં તેની સામે હપ્તા ઉઘરાણી મામલે ઘણા કેસ દાખલ થયા છે.
15 ઓક્ટોબરે આરોપી ઝડપાયો
સૂત્રો દ્વારા મળતી જાણકારી પ્રમાણે સુરેશ પુજારીને 15 ઓક્ટોબરે ઝડપી પાડવામાં આવ્યો હતો. હાલ તો પોલીસના સકંજામાં છે. મુંબઈ પોલીસ અને સીબીઆઈ તેની ગતિવિધિઓ પર નજર રાખી રહી છે. ફિલીપીંસના ક્યૂજીટિવ સર્ચ યુનિટ દ્વારા તેની ધરપકડ કરવામાં આવી છે.
ભારત લાવવાની કામગીરી શરૂ
સુરેશ પુજારી જ્યારે અંડરવર્લ્ડમાં ઘુસ્યો ત્યારે રવિ પુજારી સાથે તે કામ કરતો હતો. જોકે બાદમાં તેણે પોતાની અલગ ગેંગ બનાવી હતી. આરોપી સામે હત્યા જેવા ગંભીર ગુનાઓ પણ દાખલ કરવામાં આવ્યા છે. આરોપી સાતે જોડાયેલી દરેક માહિતી મુંબઈ પોલીસે ભારત સરકારને આપી હતી. તેને ભારત લાવવા માટે પણ કામગીરી શરૂ કરી દેવામાં આવી છે.
રવી પૂજારી સાથે કરતો હતો કામ
ગેંગસ્ટાર રવિ પૂજારી સાથે સુરેશ પુજારી કામ કરતો હતો. જોકે બાદમાં તેણે પોતાની ગેંગ બનાવી લીધી હતી. તેની સામે ઘણા બધા ગુના દાખલ થયા બાદ તે દેશ છોડીને ભાગી ગયો હતો. બાદમાં તે ફેક ડોક્યુમેન્ટ બનાવીને અલગ અલગ દેશોમાં રહેતો હતો.
હવે રિયાઝ ભાટીનો વારો
ઉલ્લેખનીય છે કે હાલ મુંબઈ પોલીસ રિયાઝ ભાટીની શોધ કરી રહી છે. જે એક સમયે દાઉદ ઈબ્રાહિમના સહયોગી સાથે કામ કરતો હતો. અગાઉ રવિપૂજારીને પણ ઝડપી પાડવામાં આવ્યો છે જે હાલ જેલની હવા ખાઈ રહ્યો છે. જોકે રિયાઝ ભાટીને પણ પોલીસે પકડ્યો હતો. પરંતુ હાલ તો તે ફરાર છે.