- સામુહિક બળાત્કારની ઘટનાથી પટના ફરી થયું બદનામ
- મોટી હોટલમાં એક ઈવેન્ટ એન્કર પર 2 લોકોનો સામુહિક બળાત્કાર
- પીડિત પરિણીતાએ હાવડા પહોંચી પતિને કરી વાત
આરોપી મુઝફ્ફરપુરના
આ મામલો 2 જુલાઈએ મોડી રાત્રે બન્યો હતો. એક મોટી હોટલના રૂમ નંબર-512માં સામૂહિક બળાત્કારના શરમજનક કૃત્યને અંજામ આપવામાં આવ્યો. પીડિતાએ હાવડા પાછા આવીને FIR નોંધાવી ત્યારે આ ઘટનાનો ખુલાસો થયો. બળાત્કારનો આરોપ મુઝફ્ફરપુરમાં રહેતા હર્ષ રંજન અને તેના મિત્ર વિક્રાંત કેજરીવાલ પર છે. આ બંને પર આરોપ છે કે તેમણે દુષ્કર્મના બીજા દિવસે 3 જુલાઈએ પટના જંક્શનથી હોટલ છોડતી વખતે પીડિતાને ફ્રેજર રોડની આજુબાજુ કારમાં બળજબરીપૂર્વક ગર્ભનિરોધક ગોળીઓ ખવડાવી હતી.
પીડિત પરિણીતાએ કલકત્તામાં નોંધાવ્યો કેસ
સામૂહિક બળાત્કારનો ભોગ બનનાર પરિણીત એન્કર 3 જુલાઈએ પટના જંક્શનથી હાવડા પહોંચી હતી. ત્યારબાદ તેણે પોતાના પતિને બધી વાત કરી હતી. પછી તેણે પતિની સાથે 4 જુલાઈના રોજ જાધવપુર પોલીસ સ્ટેશનમાં બંને આરોપીઓની સામે સામુહિક બળાત્કારનો કેસ નોંધાવ્યો. આ મામલો મોટો હતો તેથી બંગાળ પોલીસે તાત્કાલિક કેસમાં ઝીરો એફઆઈઆર નોંધી અને એફઆઈઆરને પટનાના ગાંધી મેદાન પોલીસ સ્ટેશનને મોકલી. ત્યારબાદ ગાંધી મેદાન પોલીસ સ્ટેશનમાં FIR કેસ નંબર- 338-21 નોંધવામાં આવ્યો અને વધુ કાર્યવાહી હાથ ધરવામાં આવી.
ફોન પર નોંધવામાં આવ્યું પીડિતાનું નિવેદન
સામુહિક દુષ્કર્મની રિપોર્ટ નોંધાતા જ ગાંધી મેદાન પોલીસ સ્ટેશનના એએસઆઈએ પીડિતા એન્કર સાથે ફોન પર વાતચીત કરી હતી અને પીડિતાનું નિવેદન નોંધવામાં આવ્યું. જ્યારે 17 જુલાઈએ નિવેદન નોંધાયા બાદ પીડિતા 29 જુલાઈએ કલકત્તાથી પટના પહોંચી હતી. પીડિતાનું નિવેદન કોર્ટમાં પણ નોંધવામાં આવ્યું. ગાંધી મેદાન પોલીસ સ્ટેશનના એસએચઓ મુજબ, બંને આરોપીઓની ધરપકડ કરવા માટે પોલીસ મુઝફ્ફરપુર પણ ગઇ હતી. પરંતુ આરોપીઓ ફરાર થઇ ગયા છે. ઘટના બન્યા બાદ બંને આરોપીઓએ પોતાનો મોબાઈલ પણ બંધ કરી દીધો છે.
