બેંકમાં કેશની લેવડ દેવડ માટે જતા હોવ તો જરા સાચવજો, ઠગ ટોળકી તમારા પર નજર રાખીને બેઠી ન હોય ! દમણમાં પૈસાને બદલ કાગળોની થપ્પી પકડાવતી ગેંગ ઝડપાઇ
દમણમાં પૈસા ખંખેરતી ઠગ ટોળકી ઝડપાઇ
બેંકમાંથી કેશની લેવડદેવડ કરનારને છેતરતા
પૈસાને બદલે થમાવી દેતા કાગળોનું બંડલ
અત્યારે સ્થિતિ એવી છે કે કેમ કરીને પૈસા કમાવવા, પછી તે બીજાનું ખિસ્સુ કાતરીને કમાઓ કે પછી જાતમહેનતથી. પરંતુ આજના દિવસોમાં છેતરપિંડીનો ધંધો ફુલીફાલ્યો છે. એકના ડબલ પૈસા તથા લોભામણી લાલચો આપીને સામે વાળાને ખંખેરવામાં કોઇ કસર છોડવામાં આવતી નથી.ક્યારેક કેવાયસી અપડેટ કરાવવાના બહાને તો ક્યારેય એટીએમ કાર્ડ થકી તમારા એકાઉન્ટમાં રહેલા પૈસા ખાલી કરી દેવામાં આવે છે. ત્યારે આવી છેતરપિંડી કરીને પૈસા કમાતી વધુ એક ગેંગનો પર્દાફાશ થયો છે.
પૈસા લઇને નકલી પૈસા પકડાવી દેતા
કેન્દ્ર શાસિત પ્રદેશ દમણમાં ગ્રાહકોને ભોળવી અસલી રૂપિયા બદલે નકલી રૂપિયા આપતી ગેંગ ઝડપાઇ છે. પોલીસ જાપ્તામાં ઉભેલા આ શખ્સો બેંકમાં કેશની લેવડદેવડ કરવા આવતા લોકોને નિશાન બનાવતા. ગ્રાહકોને પોતાની વાતોમાં ફસાવીને પૈસાને બદલે કાગળની થપ્પીઓ પકડાવી દેતા.જોકે ગ્રાહકને પણ ખબર ન રહેતી કે તેના પૈસા પેલા શખ્સોએ લઇ લીધા એટલી સાવચેતીથી તેઓ ઘટનાને અંજામ આપતા હતા. દમણ પોલીસેને બેંકમાં શંકાસ્પદ લોકો નજરે પડતા પૂછપરછ હાથ ધરી હતી જેમં તેઓ પૈસાને બદલ કાગળની થપ્પીઓ પધરાવીને છેતરપિંડી આચરતા હોવાનો પર્દાફાશ થયો હતો.હાલ આ મામલે પોલીસે 3 આરોપીઓની અટકાયત કરીને વધુ તપાસ હથ ધરી.
ઠગ ટોળકીનો પર્દાફાશ
મહત્વનું છે કે અગાઉ પણ આવી અનેક ઘટનાઓ સામે આવી હતી. જેમ કે બેંક કેવાયસી અપડેટ કરવા માટે લિંક મોકલવામાં આવતી. બેંકમાંથી વાત કરીએ છીએ તેમજણાવીને ખોટા ફોન કોલ કરવામાં આવતા હતા. આ રીતે સામે વાળી વ્યક્તિની તમામ વિગતો જાણીને ખાતામાંથી પૈસા ઉપાડવામાં આવતી. વળી એટીએમ પર પૈસા ઉપાડવા જતા ગ્રાહકોને વાતોમાં ફસાવતા અને તેઓનો પિન નંબર જાણી લઇને ખાતામાંથી પૈસા પડાવતી ગેંગ પણ ઝડપાઇ હતી. ત્યારે પરી એકવાર નકલી પરખાવીને પૈસા ખંખેરી લેતી ટીમને પોલીસે ઝડપી પાડીને વધુ તપાસ હાથ ધરી છે.