કચ્છઃ સમગ્ર દેશમાં અવારનવાર દુષ્કર્મની ઘટનાઓ સામે આવે છે. કડક કાયદો છતા પણ વાસનાના ભોગી જપતા નથી. ત્યારે અંજારના વરસાણા નજીક સામૂહિક દુષ્કર્મ આચર્યાની ઘટના સામે આવી છે. વરસાણા નજીક 2 વર્ષની બાળકી પર દુષ્કર્મ આચર્યું છે. જેમાં બાજુમાં રહેતા 2 યુવાનોએ બાળકી પર સામૂહિક દુષ્કર્મ આચર્યું છે. આ મામલે બાળકીને સારવાર અર્થે અંજારની હોસ્પિટલમાં ખસેડવામાં આવી.
એક નાજુક 2 વર્ષીય બાળકી સાથે આ પ્રકારની ઘટના બનતા સમગ્ર પંથકમાં અરેરાટી મચી જવા પામી છે. બે નરાધમોએ નાની બાળકી પર દુષ્કર્મ આચરતા ચકચાર મચી જવા પામી છે.
બીઆર પરમારના જણાવ્યા અનુસાર બન્ને આરોપી ટ્રકના ખલાસી છે. પરપ્રાંતિય શ્રમિક પરિવારની 2 વર્ષીય બાળકી રમતી હતી. ત્યારે તેને ફોસલાવીને ટ્રક નીચે લઇ ગયા હતા. ત્યારબાદ દુષ્કર્મ આચર્યું હતું. જો કે બાળકીએ રાડારાડ કરતા આસપાસના લોકો એકત્ર થઇ જતા બન્નેને રંગેહાથ ઝડપી પાડ્યા હતા. પોલીસ દ્વારા બંનેની ધરપકડ કરવામાં આવી. બાળકીને ઇજા પહોંચતા ભૂજની સરકારી સારવાર અર્થે ખસેડવામાં આવી હતી.