ગાંધીનગર / ટ્રાફિકના દંડની વચ્ચે સરકારના આ તઘલખી નિર્ણયો મધ્યમવર્ગ માટે ડામ સમાન

• સામાન્ય માણસની મુશ્કેલી સમજ્યા વગર બનાવ્યા નિયમ
• ટૂ-વ્હીલર પર પતિ-પત્ની સાથે બાળક હશે તો ત્રિપલ સવારી ગણાશે
• 18 વર્ષ સુધીનો દીકરો-દીકરી નહી ચલાવી શકે વાહન

ટ્રાફિકના નિયમ માટે બેબાકળી સરકારનો તઘલઘી નિર્ણય

રાજ્યની જનતા માટે નવા ટ્રાફિક નિયમોનું પાલન કરવાને લઇને સરકાર દ્વારા તઘલઘી નિર્ણય લેવામાં આવ્યો છે. જેમાં ટૂ-વ્હીલર પર પતિ-પત્ની સાથે બાળક હશે તો ત્રિપલ સવારી ગણાશે તેમ જણાવાયું છે. ત્રણ વર્ષથી ઉપરના બાળકને ત્રીજા વ્યક્તિ તરીકે ગણવામાં આવશે તેમ રાજ્યના વાહન વ્યવહાર મંત્રીએ જણાવ્યું. 

રાજ્યના વાહનવ્યવહાર મંત્રીએ આપ્યું નિવેદન

નવા ટ્રાફિક નિયમોનું પાલન કરવાને લઇને કરાયેલા નિર્ણયના કારણે લોકોમાં રોષ જોવા મળશે.  જેમાં જણાવાયું છે કે ટૂ-વ્હીલર પર પતિ-પત્ની સાથે જો ત્રણ વર્ષથી ઉપરનું બાળક હશે તો તેને ત્રિપલ સવારી ગણવામાં આવશે. આમ કિશોર અવસ્થા સુધી બાળકો માતા-પિતા સાથે જ મુસાફરી કરી શકશે. 



જો કોઇ પરિવાર પાસે ટૂ-વ્હીલર જ હોય તો બાળકનું શું ?

સરકારના નિયમ અનુસાર જો બાળક ત્રણ વર્ષ ઉપરનું હોય તો તેને ટૂ વ્હીલરમાં સાથે લઇ જઇ શકાશે નહીં. તો જેના ઘરે માત્ર ટૂ-વ્હીલર હોય અને કાર ન હોય તો બાળકને સાથે બહાર કેવી રીતે લઇ જઇ શકશે. આમ આ નિયમ મધ્યમવર્ગના લોકો માટે ડામ સમાન નિયમ છે. 

18 વર્ષ સુધીનો દીકરો-દીકરી નહી ચલાવી શકે વાહન

નવા કાયદા મુજબ હવે દિકરો હોય કે દિકરીનું  18 વર્ષ સુધી લાયસન્સ કઢાવી શકાતું નથી. તેવી સ્થિતિમાં પરિવારજનો પણ દ્વિધામાં મુકાયા છે કે આખરે પોતાનું બાળક પડોશીને ત્યાં મૂકવું કે બાઇક પર પોતાની સાથે લઇ જવું. લાયસન્સ આપવાની ઉંમર સરકારે 18 વર્ષની નક્કી કરી છે. 



રાજ્યના મંત્રીને સવાલ પૂછવામાં આવતાં આપ્યો આ જવાબ..

ત્રણ વર્ષથી વધુ ઉંમરન બાળકને ત્રીજા મુસાફર તરીકે ગણવામાં આવશે. બાળક 18 વર્ષ સુધી લાયસન્સ કઢાવી શકશે નહીં. જો કે આ મામલે જ્યારે રાજ્યના મંત્રીને સવાલ પૂછવામાં આવ્યો ત્યારે તેમણે કહ્યું કે અમે જે નિર્ણયો લીધા છે તે સલામતી માટે જ છે. આમ બાઇક પર ત્રણ સવારી કે ચાર સવારી તો નહીં જ ચલાવી લેવામાં આવે.