આજ ગાંધી જયંતિ નિમિત્તે સલમાન ખાને ટ્વિટર પર એક વીડિયો પોસ્ટ કર્યો છે, જેમાં એ દેશના યુવાઓને ફિટ ઇન્ડિયા અને સ્વચ્છ ભારતનો મેસેજ આપતો નજરે આવી રહ્યો છે.
સલમાન ખાને ફેન્સને આપ્યો ખાસ સંદેશ
ગાંધી જયંતિ પર સલમાન ખાને આપ્યો ફેન્સને સંદેશ
મેસેજનો વીડિયો સોશ્યલ મીડિયા પર વાયરલ થયો
ભારતના રાષ્ટ્રપિતા મહાત્મા ગાંધી જી ની આજે 150મી જયંતિ છે. આ નિમિત્તે બોલીવુડનો 'દબંગ' એટલે કે સલમાન ખાને પોતાના ફેન્સને એક ખાસ મેસેજ આપ્યો છે, જેનો વીડિયો સોશ્યલ મીડિયા પર જોરદાર વાયરલ થઇ રહ્યો છે. આ વીડિયોમાં સલમાન દેશવાસીઓને સ્વચ્છતાની સાથે સાથે ફિટ રહેવાની સલાહ આપી રહ્યા છે. સોશ્યલ મીડિયા પર જોરદાર વાયરલ થઇ રહેલા આ વીડિયોને સલમાન ખાને પોતાના ઇન્સ્ટાગ્રામ અકાઉન્ટથી શેર કર્યો છે. આ વીડિયોમાં સલમાન ખાન કહી રહ્યો છે, 'તો 2 ઓક્ટોબરે છે ગાંધી જયંતિ, ગાંધી જયંતિ ધૂમધામથી મનાવો.'
સલમાન ખાને આગળ કહ્યું, 'કારણ કે મહાત્મા ગાંધી, દેશના રાષ્ટ્રપિતા છે અને એની સાથે સાથે ફિટ ઇન્ડિયા પર ધ્યાન દો અને ભારતને સ્વચ્છ રાખો. એનો મતલબ સ્વચ્છ ભારત, સ્વચ્છ ભારતીય, ફિટ ઇન્ડિયા અને ફિટ ઇન્ડિયન્સ.' સલમાન ખાને આ વીડિયો પર એના ફેન્સ પણ ખૂબ કમેન્ટ કરી રહ્યા છે.
પોતાના આ વીડિયોને ઇન્સ્ટાગ્રામ પર શેર કરતા સલમાન ખાને કેપ્શનમાં લખ્યું, 'ગાંધી જયંતિ નિમિત્તે, ભાઇએ કહ્યું તમને મેસેજ આપવાનું,,,અને ચુલબુલ પાંડે તૈયાર છે.' જણાવી દઇએ કે સલમાન ખાનની પોતાની મોસ્ટ અવેટેડ ફિલ્મ 'દબંગ 3' 20 ડિસેમ્બરે રિલીઝ થશે. આ ફિલ્મને પ્રભુદેવા ડાયરેક્ટ કરી રહ્યા છે. સોનાક્ષી સિંહા અને સલમાન ખાન સ્ટાર આ ફિલ્મ ડિસેમ્બરમાં રિલીઝ થવાની છે.