- વડોદરા સામૂહિક દુષ્કર્મ કેસમાં મોટા સમાચાર
- યુવતીએ આપઘાત કર્યો હોવાનો FSLનો અભિપ્રાય
- SITની ટીમે OASIS સંસ્થાના ટ્રસ્ટીઓની પૂછપરછ શરૂ કરી
વડોદરામાં પ્રેરણા સાથે સામુહિક દુષ્કર્મ મામલે સૌથી મોટા સમાચાર સામે આવ્યા છે. જેમા આ કેસમાં યુવતીએ આપઘાત કર્યો હોવાનો એફએસએલ દ્વારા અભિપ્રાય આપવામાં આવ્યો છે. યુવતીનો આત્મહત્યાનો વીડિયો વાયરલ થયા બાદ એવી આશંકા સેવાઈ રહી હતી કે તેની હત્યા થઈ છે. જોકે FSLનો આ મામલે અભિપ્રાય આપ્યો છે કે યુવતીએ આપઘાત જ કર્યો હતો.
ગળામાંથી મળ્યો વી શેપનો નિશાન
યુવતીએ ફાંસો ખાધો હતો જેથી તેના ગળા પર વી શેપનું નિશાન પણ મળી આવ્યું છે. અગાઉ પીએમ રિપોર્ટમાં એ વાતની પુષ્ટી થઈ ગઈ હતી કે યુવતી સાથે દુષ્કર્મ બનાવ બન્યો છે. જોકે વૈજ્ઞાનિક પુરાવા માટે એફ એસએલની મદદ લેવાઈ હતી. પરંતુ હજુ સુધી એફએસએલનો રિપોર્ટ નથી આવ્યો પણ તેમનો અભિપ્રાય આપવામાં આવ્યો છે યુવતીએ આપઘાતજ કર્યો હતો.
રેલ્વે પોલીસે FSLને લખ્યો પત્ર
આ મામલે રેલ્વે પોલીસ દ્વારા ગાંધીનગર FSLને પત્ર લખીને વિનંતી કરવામાં આવી છે. જેથી કાલ સુધીમાં એફએસએલનો રિપોર્ટ આવી જાય તેવી શક્યતા સેવાઈ રહી છે. બીજી તરફ આ કેસમાં હવે SITની ટીમ દ્વારા ટ્રસ્ટીઓની તપાસ પણ શરૂ કરી દેવામાં આવી છે.
પ્રીતિ નાયરની 4 કલાક પૂછપરછ
OASIS સંસ્થાના મેનેજિંગ ટ્રસ્ટી પ્રીતિ નાયરની કડક પૂછપરછ કરવામાં આવી છે. આપને જણાવી દઈએ કે ટ્રસ્ટી પ્રીતિ નાયરની 4 કલાક મેરેથોન પૂછપરછ કરાઈ હતી. જે સમગ્ર મામલે SITની ટીમ દ્વારા પ્રીતિ નાયરનું વીડિયો રેકોર્ડિંગ પણ લેવામાં આવ્યું છે. જેમા મોટા ખુલાસાઓ થાય તેવી શક્યતા સેવાઈ રહી છે.
આગામી દિવસોમાં અન્ય ટ્રસ્ટીઓની થશે પૂછપરછ
ઉલ્લેખનીય છે કે આ સમગ્ર કેસમાં હવે આગામી દિવસોમાં અન્ય ટ્રસ્ટીઓની પણ પૂછપરછ થાય તેવી પ્રબળ શક્યતાઓ સેવાઈ રહી છે. સાથેજ સંસ્થાના કેટલાક યુવક અને યુવતીઓની પણ પૂછપરછ થઈ શકે છે.
