સંયુક્ત રાષ્ટ્ર / મસૂદ અજહર બાદ ભારત માટે આ મુદ્દે સામે આવ્યું ફ્રાન્સ

ફ્રાન્સે સંયુક્ત રાષ્ટ્ર સુરક્ષા પરિષદમાં ભારતની સ્થાયી સદસ્યતાનું સમર્થન કર્યું છે. સંયુક્ત રાષ્ટ્રમાં મસૂદ અજહરને વૈશ્વિક આંતકી ઘોષિત કરવાનો સાથ આપ્યા બાદ કહ્યું કે ભારતને સંયુક્ત રાષ્ટ્ર સુરક્ષા પરિષદમાં સ્થાયી સભ્ય તરીકે સામેલ કરવું ખુબ જરૂરી છે. આ ઉપરાંત ફ્રાન્સે જર્મની, બ્રાઝિલ અને જાપાનની સભ્યતાની વકિલાત કરી.

સંયુક્ત રાષ્ટ્રમાં ફ્રાન્સના સ્થાયી પ્રતિનિધિ ફ્રાન્કોઇસ ડેલાતરે પત્રકારો સાથેની વાતચીતમાં કહ્યું કે, ફ્રાન્સ અને જર્મનીએ મજબૂત નીતિ બનાવી છે. જે સુરક્ષા પરિષદને વિસ્તાર આપવાની સાથે કામ કરવા અને વાતચીતને સફળ બનાવવાની સાથે જોડાયેલી છે. અમે વાસ્તવિક દુનિયાનું પ્રતિનિધિત્વ કરવા માટે સુરક્ષા પરિષદના વિસ્તારને જરૂરી માને છે. તેમા કોઇ સવાલ જ ઉઠતો નથી. 

સંયુક્ત રાષ્ટ્રમાં ફ્રાન્સના દૂતે કહ્યું કે સંયુક્ત રાષ્ટ્રની મહત્વપૂર્ણ સંસ્થામાં આ પ્રમુખ સભ્યોને સામેલ કરવા ફ્રાન્સની રણનીતિક પ્રાથમિકતાઓમાં સામેલ છે. સંયુક્ત રાષ્ટ્રમાં જર્મનીના દુત ક્રિસ્ટોફ હ્યૂસગનની સાથે સંયુક્ત ભાષણમાં ડેલાતરે કહ્યું કે ફ્રાન્સ માને છે કે જર્મની, જાપાન, ભારત, બ્રાઝીલ અને વિશેષ રૂપે આફ્રીકાનું યોગ્ય પ્રતિનિધિત્વ સુરક્ષા પરિષદમાં નિષ્પક્ષ પ્રતિનિધિત્વની દિશામાં અત્યંત આવશ્યક છે. આ અમારા માટે પ્રાથમિકતાનો વિષય છે. 

એમણે વધુમાં જણાવ્યું કે ફ્રાન્સનું માનવું છે કે કેટલાક પ્રમુખ સભ્યોને જોડવાની સાથે સુરક્ષા પરિષદને વિસ્તૃત બનાવવી અમારી રણનીતિક પ્રાથમિકતામાંથી એક છે. સંયુક્ત રાષ્ટ્રમાં ભારત સુરક્ષા પરિષદ માટે લંબિત પડેલા સુધારા માટે પ્રયાસ કરી રહેલા દેશોમાં સૌથી અગ્રણી છે. ભારત મજબૂતી સાથે સંયુક્ત રાષ્ટ્રની મહત્વપૂર્ણ સંસ્થામાંથી એક સ્થાયી સભ્ય તરિકે પોતાની દાવેદારી રજૂ કરી છે.