પશ્ચિમ બંગાળના મુખ્યમંત્રી મમતા બેનર્જીએ ફરી રાજકારણમાં મોટો ખેલ પાડ્યો છે, દિગ્ગજ નેતા બાબુલ સુપ્રિયોએ TMC જોઇન કર્યું
પૂર્વ કેન્દ્રીય મંત્રી બાબુલ સુપ્રિયો TMCમાં સામેલ
જુલાઇ મહિનામાં પીએમ મોદીએ લઈ લીધું હતું રાજીનામું
રાજકારણમાંથી સંન્યાસની જાહેરાત કરી અને બાદમાં લાઇન બદલી
બાબુલે ભાજપને કહ્યું અલવિદા, હવે ખેલા હોબે
હાલમાં જ પશ્ચિમ બંગાળમાં થયેલ વિધાનસભા ચૂંટણી બાદથી ભારતીય જનતા પાર્ટી અને મમતા બનર્જીની તૃણમૂલ કોંગ્રેસ વચ્ચે તકરાર વધતી જઈ રહી છે. ચૂંટણી પહેલા ભારતીય જનતા પાર્ટીમાં મોટા પાયે ટીએમસીના નેતાઓની પેરાશૂટ એન્ટ્રી કરાવવામાં આવી હતી. જોકે ચૂંટણીમાં ભાજપની હાર બાદ હવે ઊંધો પ્રવાહ જોવા મળી રહ્યો છે. ભારતીય જનતા પાર્ટીનાં મોટા મોટા નેતા હવે તૃણમૂલ કોંગ્રેસમાં સામેલ થઈ રહ્યા છે.
Former Union Minister and ex-BJP MP Babul Supriyo formally joins Trinamool Congress (TMC). Supriyo had quit BJP following the recent Union Cabinet reshuffle. pic.twitter.com/Uc5uOU2Izx
જુલાઇમાં લેવાયું હતું રાજીનામું
ભારતીય જનતા પાર્ટીનાં પૂર્વ કેન્દ્રીય મંત્રી અને દિગ્ગજ નેતા બાબુલ સુપ્રિયો આજે ટીએમસીમાં સામેલ થયા છે. ટ્વિટર પર બાબુલ અને મમતાનાં ભત્રીજા અભિષેક બેનર્જીનો ફોટો શેર કરવામાં આવ્યો છે અને આ માહિતી આપવામાં આવી છે. નોંધનીય છે કે થોડા મહિના પહેલા પીએમ મોદીએ બાબુલ સુપ્રિયોનું રાજીનામુ લઈ તેમને મંત્રીમંડળમાંથી કાઢ્યા હતા.
પહેલા કહ્યું હતું કે કોઈ પાર્ટીમાં સામેલ નહીં થઉ
નોંધનીય છે કે જુલાઇ મહિનામાં કરવામાં આવેલ મોદી સરકારના વિસ્તરણમાં બાબુલની સત્તા છીનવાઇ ગઈ હતી. તેમને મંત્રિપદેથી હટાવવામાં આવ્યા તે બાદ જ નારાજગી સામે આવી હતી, તેમણે એલાન કર્યું હતું કે કોઇ જ પાર્ટીમાં સામેલ થશે નહીં અને રાજકારણમાંથી જ સંન્યાસ લઈ રહ્યા છે. જોકે હવે ફરી પોતાની રાહ બદલવાનો નિર્ણય કર્યો છે.