પક્ષપલટો / કોંગ્રેસને મોટો ફટકો, પૂર્વ રાષ્ટ્રપતિ પ્રણવ મુખરજીના પુત્ર અભિજિત TMC માં જોડાયા, જાણો કેમ કર્યો પક્ષપલટો

• પૂર્વ રાષ્ટ્રપતિ પ્રણવ મુખરજીના પુત્ર અભિજિત મુખરજી TMC માં જોડાયા
• અભિજિત મુખરજી કોંગ્રેસના નેતા અને સાંસદ છે હવે મમતાની પાર્ટીમાં સામેલ થયા 
• ટીએમસી ખાલી પડેલી જાંગીપુર બેઠક પરથી ચૂંટણી લડાવે તેવી સંભાવના 

પશ્ચિમ બંગાળમાં કોંગ્રેસને એક મોટો ઝટકો આપતા પૂર્વ સાંસદ અભિજિત મુખરજીએ સોમવારે કોલકાતામાં આયોજિત એક કાર્યક્રમમાં ટીએમસીનુ સભ્યપદ સ્વીકાર્યું હતું. થોડા દિવસોથી અભિજિત અને ટીએમસીના વરિષ્ઠ નેતાઓ વચ્ચે મુલાકાત ચાલતી હતી. ટીએમસી ખાલી પડેલી જાંગીપુર બેઠક પરથી તેમને ચૂંટણી લડાવે તેવી શક્યતા છે.

મુખ્યમંત્રી મમતા બેનરજીના ઘણા વખાણ કર્યાં 

ટીએમસીમાં સામેલ થયા બાદ અભિજિત મુખજીએ મુખ્યમંત્રી મમતા બેનરજીના ઘણા વખાણ કર્યાં. તેમણે કહ્યું કે મમતા બેનરજીએ જે રીતે તાજેતરની વિધાનસભાની ચૂંટણીમાં ભાજપની કોમી લહેરને રોકી, તે જોતા મને પૂરો વિશ્વાસ છે કે તેઓ ભવિષ્યમાં બીજી પાર્ટીઓના સમર્થનથી આખા દેશમાં આવું કરી શકશે.

કોંગ્રેસમાં કોઈ હોદ્દો ન અપાયો
અભિજિત મુખરજીએ કહ્યું કે કોંગ્રેસ પાર્ટીએ મને ક્યારેય પણ કોઈ હોદ્દો આપ્યો નથી. તેથી હું એક સૈનિક તરીકે ટીએમસીમાં સામેલ થયો છું. હું પાર્ટીના નિર્દેશો અનુસાર કામ કરીશ. અખંડતા અને ધર્મનિરપેક્ષતા જાળવી રાખવા કામ કરીશ. 

બહેન શર્મિષ્ઠાએ લખ્યું, દુખદ
 બહેન શર્મિષ્ઠાએ અભિજિતના ટીએમસીમાં સામેલ થવાના નિર્ણયને દુખદ ગણાવ્યો. શર્મિષ્ઠાએ ટ્વિટ કરીને જણાવ્યું કે SAD. ઉલ્લેખીય છે કે અભિજિત અને શર્મિષ્ઠાની વચ્ચે થોડા દિવસોથી પ્રણવ મુખરજીની સંપત્તિ અંગે વિવાદ ચાલી રહ્યો છે.