રાજકીય હલચલ / ભાજપના પૂર્વ સાંસદ દેવજી ફતેપરા બોલાવશે કોળી સમાજનું સંમેલન, આ ત્રણ દિગ્ગજ નેતાઓને "નો એન્ટ્રી"

• ગુજરાતમાં વિધાનસભાની ચૂંટણી પહેલા સંમેલનનો દૌર
• ભાજપના પૂર્વ સાંસદ  દેવજી ફતેપરા બોલાવશે સંમેલન
• આ પહેલા કોળી સમાજની બેઠક સમયે થયો હતો વિવાદ

ગુજરાત વિધાનસભાની ચૂંટણી પહેલા વિવિધ સમાજનોના આગેવાનોના સંમેલનના બેઠકોનો દૌર શરૂ થયો છે. ત્યારે ભાજપના પૂર્વ સાંસદ દેવજી ફતેપરા આવ્યા મીડિયા સામે આવ્યાં હતાં. બાદમાં  તેઓ જાહેરાત કરી હતી કે, આગામી ટૂંક સમયમાં સૌરાષ્ટ્રના કોળી સમાજનું એક સંમેલન બોલાવશે. ઉલ્લેખનીય છે કે, આ પહેલા કોળી સમાજની બેઠક સમયે ભારે વિવાદ થયો હતો 

મારા સંમેલનમાં કુવરજીભાઈ બાવળિયા નહીં હોય

દેવજી ફતેપરાએ વધુમાં જણાવ્યું હતું કે, થોડા જ દિવસોમાં કોળી સમાજના આગેવાનો સાથે મીટીંગ કરવાનું છે. બીજી તરફ દેવજી ફતેપરા કુંવરજી બાવળિયાથી નારાજ હોવાની વાત સામે આવી હતી. જે સંદર્ભમાં તેઓ જણાવ્યું હતું કે, હજી અમે કોઈ સમાધાન નથી કર્યુ  અને મને નથી લાગતું કે સમાધાન થાય તેવી કોઈ પરિસ્થિતી  ઉભી થાય. તેમણે જણાવ્યું હતું કે, કુંવરજીભાઈ કેમ અળગા ચાલે છે તે તેમનો વિષય છે. આગેવાનોની બોલાવેલી બેઠકમાં કુંવરજી બાવળિયાની બાદ બાકી કરવામાં આવી છે. આ સાથે તેમણે જણાવ્યું કે, કેન્દ્રીય મંત્રી મહેન્દ્ર મુંજપરા અને  હળવદના ધારાસભ્ય પણ નહીં હોય 

રાજ્યમાં અમારા સમાજનું મોટું મતદાન

તેમણે વધુમાં જણાવ્યું કે, સૌરાષ્ટ્રમાં અમે 30-32 બેઠકોમાં અમે નિર્ણાયક ભૂમિકામાં છીએ અમે પણ સમાજના આગેવાન છીએ તો અમને પણ સમાજ પૂછે છે, હાલ સૌરાષ્ટ્રમાં 54 વિધાનસભાની બેઠક પર કોળી સમાજનું પ્રભુત્વ છે. 54 બેઠકો પર કોળી મતદાર હરાવી પણ શકે જીતાડી પણ શકે.જેમ મુસ્લિમ સમાજ મતદાન કરે એવી રીતે કોળી સમાજ પણ મતદાન કરીએ છીએ અમે રજા રાખીને પણ મતદાન કરી શકીએ છીએ