કુટ નિતિ / ઈઝરાયલમાં સરકાર બદલાયા બાદ વિદેશ મંત્રી જયશંકર પ્રથમ વખત ઈઝરાયલના પ્રવાસે,આ મુદ્દાઓ પર થશે મહત્વની ચર્ચા

• ઈઝરાયલમાં સરકારની રચના બાદ પ્રથમ વખત મુલાકાતે લેશે  
• ભારતના ઈઝરાયેલા સાથે વર્ષો જૂના સંબંધો છે
• ભારત અને ઈઝરાયેલા વચ્ચે વર્ષો જૂના સંબંધો છે

ઈઝરાયલમાં સરકારની રચના બાદ વિદેશ મંત્રી પ્રથમ વખત મુલાકાતે લેશે  

ઈઝરાયલમાં નવી સરકારની રચના બાદ હવે ભારતના વિદેશ મંત્રી એસ જયશંકર પ્રથમ વખત દેશની મુલાકાતે જવાના છે. વડાપ્રધાન નરેન્દ્ર મોદી સરકાર અને નફતાલી બેનેટની આગેવાની હેઠળની નવી ઈઝરાયેલ સરકાર વચ્ચે આ પ્રથમ ઉચ્ચ સ્તરીય મંત્રણા હશે. જયશંકર રવિવારથી ઈઝરાયલની ત્રણ દિવસના સત્તાવાર મુલાકાતે જઈ રહ્યાં છે. નેતન્યાહૂની સરકાર બાદ ઈઝરાયેલ સાથેના સંબંધોને મજબૂત કરવા માટે ભારતીય વિદેશમંત્રીઓએ આ મુલાકાત લઈ રહ્યાં છે.વિદેશમંત્રી જયશંકર ઈઝરાયલની મુલાકાત દરમિયાન ઈઝરાયલના પીએમ નફ્તાલી બેનેટ, વિદેશમંત્રી યાયર લેપિડ અને રાષ્ટ્રીય સુરક્ષા સલાહકાર ઈયાલ હુલતા સહિત ઈઝરાયલની ગઠબંધન સરકારના નેતૃત્વને મળશે 

Shubho Bijoya/Happy Dussehra to all of you, on the eve of @DrSJaishankar’s important visit to Israel. India is a strategic partner and a very close friend pic.twitter.com/9BQuEUons3

— Alon Ushpiz (@AlonUshpiz) October 15, 2021

ઈઝરાયલના વિદેશ સચિવે દશેરાની પૂર્વ સંધ્યાએ શુભકામનાઓ પાઠવી હતી 

ઉશ્પીઝે ટ્વિટ કર્યું, “જયશંકરની ઇઝરાયેલની મહત્વપૂર્ણ મુલાકાતની પૂર્વ સંધ્યાએ તમને બધાને દશેરાની શુભકામનાઓ. ભારત વ્યૂહાત્મક ભાગીદાર અને ગાઢ મિત્ર છે. જયશંકર ઇઝરાયેલની મુલાકાત દરમિયાન રાષ્ટ્રપતિ આઇઝેક હર્ઝોગ, વડાપ્રધાન નફતાલી બેનેટ અને વિદેશ મંત્રી ગેબી અશ્કેનાઝી સહિતના ટોચના ઇઝરાયલી નેતાઓને મળશે.

ભારતના ઈઝરાયેલા સાથે વર્ષો જૂના સંબંધો છે

જયશંકરની ઈઝરાયલ મુલાકાત કિર્ગિસ્તાન, કઝાકિસ્તાન અને આર્મેનિયાના ત્રણ દેશોના પ્રવાસ બાદ આવી છે. ભારત અને ઈઝરાયેલ પરંપરાગત રીતે ધનિષ્ઠ સંબંધો ધરાવે છે. અને વર્ષોથી બંને દેશોએ  ગુપ્ત માહિતી અને જાણકારીઓની આપ લે અને ઉગ્રવાદ વિરોધી અભિયાનોમાં પણ ધનિષ્ઠ સહકાર વિકસિત કર્યો છે. ભારતે 1950માં યહૂદી રાજ્ય ઈઝરાયલને માન્યતા આપી હતી. પરંતુ 1992માં જ સંપૂર્ણ રાજદ્વારી સંબંધો સ્થારિત કર્યા હતાં. ત્યારથી ધાર્મિક ઉગ્રવાદ અને વૈશ્વિક આતંકવાદ અને સામાન્ય ચિંતાઓ જોતા બંને દેશો વચ્ચેના સંબંધોએ વેગ પકડ્યો છે. ભારત ઇઝરાયલી હથિયારોનો મોટો ખરીદદાર બની ગયો છે અને કૃષિ ક્ષેત્રમાં ઇઝરાયેલ ભારતના મુખ્ય ભાગીદારોમાંનું એક છે.