Forbes 2018: આ છે ટીવીની સૌથી ધનિક સેલેબ્રિટીઝ, કપિલ શર્મા યાદીમાંથી બહાર

By : juhiparikh 05:43 PM, 06 December 2018 | Updated : 05:48 PM, 06 December 2018
Forbesએ 2018માં સૌથી વધારે કમાણી કરનાર 100 ભારતીય કલાકારોની યાદી જાહેર કરી છે, જેમાં ટીવીના સ્ટાર્સ પાછળ નથી. ઘણા પૉપ્યુલર ટીવી સ્ટાર્સ આ લિસ્ટમાં શામેલ છે. તમને જણાવી દઇએ કે, આ યાદીમાંથી કપિલ શર્માનું નામ નથી. ઉલ્લેખનીય છે ગતવર્ષે કપિલ આ લિસ્ટમાં 18મા ક્રમે (48 કરોડ રૂપિયા વાર્ષિક કમાણી સાથે) હતો. જ્યારે તે 2016ની ફોર્બ્સ 100ની આ લિસ્ટમાં 11 ક્રમે (30.17 કરોડ વાર્ષિક કમાણી સાથે) હતો. કપિલ શર્મા 12 ડિસેમ્બરના ગર્લફ્રેન્ડ ગિન્ની ચતરથ સાથે લગ્ન કરવા જઈ રહ્યો છે.

કૉમેડિયન ભારતી સિંહે આ વર્ષે ટીવીમાં સૌથી વધારે કમાણી કરનાર સેલેબ્રિટી બની ગઇ છે. તેણે આ વર્ષે 13.95 કરોડની કમાણીની સાથે તે 74માં સ્થાન પર છે. ભારતી હાલમાં 'ઇન્ડિયાઝ ગોટ ટેલેન્ટ'ની 8મી સિઝનમાં શૂટિંગમાં બિઝી છે.

તો બીજી તરફ પૉપ્યુલર કોમેડિયન અને એક્ટર સુનીલ ગ્રોવર 11.81 કરોડની કમાણીની સાથે 82માં નંબર પર છે. સુનીલ ગ્રોવર આ વર્ષે વિશાલ ભારદ્વાજની ફિલ્મ 'પટાખા'માં જોવા મળ્યો હતો. 

ભારતી અને સુનીલ પછી Forbesની યાદીમાં કરણ કુંદ્રાનું નામ આવે છે. કરણ 11.01 કરોડની કમાણીની સાથે 84માં સ્થાન પર છે. 

ટીવી એક્ટર અને કૉમેડિયન કૃષ્ણા અભિષેક આ વર્ષે 10.97 કરોડની કમાણી સાથે 86માં સ્થાન પર છે. 

ફિલ્મોમાં પોતાની એક અલગ ઓળખાણ બનાવી ચૂકેલા એક્ટર રામ કપૂરે વર્ષે 2018ના સૌથી અમીર ટેલિવિઝન સેલેબ્રિટી લિસ્ટમાં શામેલ છે. આ વર્ષે રામ કપૂર કોમેડી હાઇ સ્કૂલ અને ક્રોસરોડ જેવી સીરિયલ્સમાં કામ કરી ચૂક્યો છે. આ વર્ષે તેની કમાણી 8.07 કરોડની સાથે યાદીમાં 91માં સ્થાન પર છે. 

એક્ટર કોમેડિયન અલી અસગર પણ આ યાદીમાં શામેલ છે. આ વર્ષે તેની કમાણી 8.20 કરોડ છે જે આ યાદીમાં 92માં સ્થાન પર છે. 

'યે હૈ મોહબ્બતે' ફેમ એક્ટ્રેસ દિવ્યાંકા ત્રિપાઠી આ લિસ્ટમાં 7.8 કરોડની કમાણી સાથે 94માં સ્થાન પર છે. 



Recent Story

Popular Story