Travel / રોમેન્ટીક હોવાની સાથે સાથે ડરાવે પણ છે આ બીચ

જેની ડિક્સન બીચ

ઓસ્ટ્રેલિયામાં આવેલો જેની ડિક્સન બીચને દુનિયાનો સૌથી સુંદર અને રોમેન્ટીક બીચ માનવામાં આવે છે, પરંતુ એવુ કહેવાય છે કે આ બીચ પર બે આત્માઓનો પરછાયો રહે છે. એવુ લોકો માને છે કે અહીં સાંજ થતા જ એક સુંદર મહિલાનુ ભુત આવે છે. 1970ના દાયકામાં તે મહિલાને યૌનશોષણ કરીને મારી દેવાઇ હતી. બીજી આત્મા એ મહિલાની માનવામાં આવે છે જેના બાળકનું 1900ના દાયકામાં મોત થયુ હતુ.

ચંગી બીચ

સિંગાપુરના ચંગી બીચને એશિયાનો સૌથી ભુતિયા અને ડરાવનો બીચ માનવામાં આવે છે. તે બીચ એટલો જ સુંદર અને રોમેન્ટીક છે. તેની સુંદરતા પાછળ એક ભયાનક અતીત છે. એવું કહેવાય છે કે બીજા વિશ્વયુધ્ધ દરમિયાન આ ક્ષેત્રમાં ઘણા લોકો માર્યા ગયા હતા. તેમની ચીસો આજે પણ અહીં આવતા પર્યટકોને સ્પષ્ટ સંભળાય છે. કેટલાક લોકોએ તો આ બીચ પર આત્માઓના પરછાયા જોયાનો દાવો પણ કર્યો છે.

ડુમસ બીચ

ગુજરાતના સુરત શહેરમાં આવેલો ડુમસ બીચ પણ એટલો જ સુંદર બીચ છે, પરંતુ તે સુંદર હોવાની સાથએ એટલો ડરામણો પણ છે. લોકોની અંદર આ બીચને લઇને એટલો ડર છે કે તેઓ દિવસે પણ અહીં આવતા ડરે છે. અહીં આત્માઓનો વાસ હોવાની વાત આજે પણ લોકો માને છે. અહીં પહેલા હિંદુઓ અંતિમ સંસ્કાર માટે આવતા હતા. સમય જતા અહીં આત્માઓનો વસવાય થવા લાગ્યો. અહીં રાત્રે લોકોના અવાજ પણ સંભળાય છે.

બેકર બીચ

સનફ્રાંસિસ્કો સ્થિત આ બીચ પર સુરજ ઢળ્યા બાદ કોઇ પણ વ્યક્તિના આવવા પર પ્રતિબંધ છે. એવું કહેવાય છે કે સુરજ ઢળ્યા બાદ અહીં કોઇ મહિલાની આત્મા ગીત ગાતી દેખાય છે. જે પણ તેના ગીતને ધ્યાનથી સાંભળવાની કોશિશ કરે છે તે તેના વશમાં થઇ જાય છે. હવે આ વાત સાચી છે કે ખોટી તે અંગે કંઇ કહી ન શકાય. 

મોસ બીચ

કેલિફોર્નિયાના આ બીચ પર બ્લુ લેડી નામની મહિલાનું ભુત હોવાનો દાવો કરાય છે. એવુ કહેવાય છે કે અહીં આ બીચ પર એ પરિણિત મહિલાનુ મર્ડર કરાયુ હતુ. સાથે સાથે તેના પ્રેમીની પણ હત્યા કરી દેવાઇ હતી. ત્યારથી આ મહિલાનો પરછાયો આ બીચ પર પોતાના પ્રેમીની તલાશમાં ફરતો રહે છે.