ક્રિકેટ / લ્યો બોલો... દિલ્હી ક્રિકેટ એસો.ની સભામાં થઇ છુટ્ટા હાથની મારામારી, ગંભીરે શેર કર્યો વીડિયો

• દિલ્હી ક્રિકેટ એસોસીએશનમાં મુક્કાબાજી
• ગૌતમ ગંભીરે મારામારીનો વીડિયો શેર કર્યો
• મારામારીમાં સંડોવાયેલ પદાધિકારીઓ પ્રતિબંધ મૂકવાની માંગણી 

ગૌતમ ગંભીરે મારામારીનો વીડિયો શેર કર્યો

ગૌતમ ગંભીરે મારામારીનો વીડિયો શેર કરતાં લખ્યું છે કે ડીડીસીએએ શરમજનક રીતે તમામ હદ વટાવી દીધી હતી. જુઓ કઇ રીતે મુઠ્ઠીભર લોકો પોતાનાં કરતૂતોથી સંસ્થાને મજાક બનાવી રહ્યા છે. હું બીસીસીઆઇ, સૌરવ ગાંગુલી અને જય શાહને અપીલ કરું છું કે આ ઘટનાને પગલે ડીડીસીએનું તાત્કાલિક વિસર્જન કરવામાં આવે. આ ઘટનામાં સામેલ લોકો પર ચોક્કસપણે આજીવન પ્રતિબંધ મૂકવો જોઇએ. વીડિયોમાં સ્પષ્ટપણે જોઇ શકાય છે કે હોદ્દેદારો એકબીજાને ધક્કા મારીને મુક્કા અને લાતો ફટકારી રહ્યા છે.

DDCA GOES “ALL OUT”...AND DDCA IS ALL OUT FOR A SHAMEFUL DUCK. Look, how handful of crooks are making mockery of an institution. I’d urge @BCCI @SGanguly99 @JayShah to dissolve @delhi_cricket immediately. Surely, sanctions or even a life ban for those involved. pic.twitter.com/yg0Z1kfux9

— Gautam Gambhir (@GautamGambhir) December 29, 2019

દિલ્હી ક્રિકેટ એસોસીએશનની સભામાં મુક્કાબાજી સાથે છુટ્ટા હાથની મારામારી

ડીડીસીએ વાર્ષિક સભા દરમિયાન નિવૃત્ત ન્યાયમૂર્તિ દીપક વર્માની પોતાના નવા લોકપાલ તરીકે નિયુકિત કરી હતી. બેઠકના એજન્ડામાં વાર્ષિક હિસાબો પાસ કરવા, ઓડિટરની નિમણૂક, જે ડાયરેકટરોનો કાર્યકાળ સમાપ્ત થાય છે તેમની પુનઃ નિમણૂક, નવા નિયમોની સ્વીકૃતિ અને લોકપાલની નિમણૂક જેવા હોદ્દાઓનો સમાવેશ થતો હતો. સ્ટેટ બોર્ડનો દાવો હતો કે આ તમામ પ્રસ્તાવો સર્વાનુમતે પાસ કરવામાં આવ્યા હતા, પરંતુ હવે આ વીડિયો સામે આવતાં જ તેમની પોલ ખૂલી ગઇ છે.