દેશ- દુનિયામાં વધી રહેલા કોરોના વાયરસના સંક્રમણની વચ્ચે વૈજ્ઞાનિક વિભિન્ન સ્તર પર આ મહામારીને પહોંચી વળવાના ર્તા શોધી રહ્યા છે. ત્યારે સ્વદેશી કોવિડ 19 ટેસ્ટને વિકસિત કરવામાં આવ્યો છે. જેનું નામ ‘ફલુદા’ રાખવામાં આવ્યું છે. જેના માધ્યમથી સટીક, ફાયદાકારક રીતે જલ્દી કોરોનાના સંક્રમણની તપાસ કરી શકાશે. આ ટેસ્ટથી કોરોનાનો રિપોર્ટ 2 કલાકમાં આવી જશે.
ICMRએ આને ભારતીય વૈજ્ઞાનિકોની સૌથી મોટી ઉપલબ્ધી ગણાવી
ડ્રગ્સ કન્ટ્રોલર જનરલ ઓફ ઈન્ડિયાએ ટાટા સીઆર આઈએસપીઆર (ક્લસ્ટર્ડ રેગુલરલી ઈન્ટરસ્પેસ્ડ શોર્ટ પોલિંડ્રોમિક રિપીટ્સ) કોવિડ 19 તપાસ‘ફેલુદા’ને કમર્શિયલ લોન્ચની પરવાનગી આપી છે. સીએસઆઈઆરે એક નિવેદનમાં કહ્યું કે આ તપાસમાં કોરોના વાયરના જીનોમ અનુક્રમને શોધવા માટે તેને એક સ્વદેશી રુપે વિકસીત કરવામાં આવી છે, આત્યાધુનિક સીઆરઆઈએસપીઆર ટેક્નોલોજીનો ઉપયોગ કરવામાં આવ્યો છે.
ટાટા સીઆરઆઈએસપીઆર તપાસની સટીકતાનું સ્તર પરંપરાગત આરટી-પીસીઆર તપાસ જેટલું છે. પરંતુ આ ઓછા સમયમાં ઓછા ખર્ચમાં પરિણામ આપે છે. તેમ જ સરળતાથી વાપરી શકાય છે. આ ટેક્નોલોજીને સીએસઆઈઆર- આઈજીઆઈબી દ્વારા વિકસાવવામાં આવી છે.
આ ટેક્નિક 96 ટકા સટિક પરિણામ આપે છે. આ બિલકુલ પ્રેગ્નેન્સી ટેસ્ટ જેવું છે. કોરોના વાયરસ હોય તો કાગળની સ્ટ્રીપ રંગ બદલી દે છે. ઈન્ડિયન કાઉન્સિલ ફોર મેડિકલ રિસર્ચે આને ભારતીય વૈજ્ઞાનિકોની સૌથી મોટી ઉપલબ્ધી ગણાવી છે.