વૈજ્ઞાનિકો હેરાન / નાસાના રોવરે મંગળ પર વિચિત્ર અવાજ કર્યો રેકોર્ડ! વિશ્વભરના વૈજ્ઞાનિકોમાં ફેલાયું કૌતુક

• મંગળ ગ્રહ અંગે નવી વાતની જાણકારી મળતા વૈજ્ઞાનિકો થયા હેરાન
• નાસા તરફથી પર્સિવિયરન્સ મિશન મોકલવામાં આવ્યું હતું
• પર્સિવિયરન્સના માઈક્રોફોને વાતાવરણમાં બે ફ્રીકવન્સીનો અવાજ નોંધ્યો

મંગળ પર પહેલી વખત અવાજ રેકોર્ડ કરવામાં સફળતા મળી

મંગળ ગ્રહ પર જાણકારી શોધવા માટે અમેરિકન અંતરિક્ષ એજન્સી નાસાની તરફથી જે પર્સિવિયરન્સ મિશન મોકલવામાં આવ્યું હતું. તેને મંગળ પર પહેલી વખત અવાજ રેકોર્ડ કરવામાં સફળતા મળી છે. એટલું જ નહીં, પર્સિવિયરન્સના માઈક્રોફોને ત્યાંના વાતાવરણમાં બે ફ્રીકવન્સીનો અવાજ નોંધ્યો છે. સરળ શબ્દોમાં જણાવીએ તો મંગળ ગ્રહ પર અવાજની ઝડપ બે પ્રકારની સામે આવી છે. સાઈન્સ જર્નલ નેચરમાં શુક્રવારે પ્રકાશિત થયેલા અભ્યાસમાં વૈજ્ઞાનિકોએ તેની જાણકારી આપતા જણાવ્યું કે આ બે પ્રકારની અવાજની શું-શું અસર હોઇ શકે છે. 

પૃથ્વી પર અવાજની ગતિ એક, મંગળ પર બે 

આ અમે જાણીએ છીએ કે પૃથ્વી પર અવાજ એક સ્પીડમાં ટ્રાવેલ કરે છે, જે છે 340 મીટર પ્રતિ સેકન્ડ. તમે ગમે ત્યાં હોય અવાજ એક જ ગતિએ તમારી પાસે આવે છે.  પરંતુ મંગળ ગ્રહ પર આવુ નથી. નાસાના પર્સિવિયરન્સ રોવરમાં લાગેલા ટ્રાન્સમીટરે મંગળ ગ્રહ પર 240 મીટર પ્રતિ સેકન્ડની સ્પીડથી અવાજ રેકોર્ડ કર્યો. પરંતુ વૈજ્ઞાનિકો એવા સમયે ચોંકી ગયા. જ્યારે તેમણે ત્યાં 250 મીટર પ્રતિ સેકન્ડનો અવાજ પણ સાંભળ્યો. પૃથ્વીની સરખામણીએ મંગળ ગ્રહનુ વાતાવરણ ઘણુ અલગ છે. તેથી બંને જગ્યાએ સાઉન્ડની ગતિમાં ફરક પડે છે. પૃથ્વીના વાતાવરણમાં કાર્બન ડાયોકસાઈડની માત્રા અંદાજે 0.04 ટકા છે, જ્યારે મંગળ ગ્રહ પર આ 95 ટકા છે. જેનાથી આ અવાજ 20 ડેસિબલ ઓછો થાય છે. આ વાતનો અંદાજ વૈજ્ઞાનિકોને પહેલેથી જ હતો. પરંતુ વૈજ્ઞાનિકોને જે વાત સૌથી વધુ પરેશાન કરી રહી છે, તે છે મંગળ પર સાઉન્ડની અલગ-અલગ સ્પીડ. 

The Sounds of Silence (and Science) on Mars

Listen to audio from @NASAPersevere. New research shows the speed of sound is slower on the Red Planet than on Earth, and at least this season, is very, very quiet: https://t.co/EaYIFgTngv pic.twitter.com/kEdXSTjxtz

— NASA (@NASA) April 1, 2022

નાસાએ રેકોર્ડ કર્યો છે 5 કલાકનો અવાજ 

નાસાનુ પર્સિવિયરન્સ રોવર ગયા વર્ષે ફેબ્રુઆરીમાં મંગળ પર ઉતર્યુ હતુ. તે તેની સાથે નાનુ Ingenuity હેલિકોપ્ટર પણ લઇને ગયુ છે. પર્સિવિયરન્સમાં બૂટના ડબ્બાના સાઈઝનો માઈક્રોફોન પણ લગાવ્યો છે, જે ત્યાંનો અવાજ રેકોર્ડ કરતુ રહે છે. માઈક્રોફોને અંદાજે 5 કલાકનો અવાજ રેકોર્ડ કર્યો છે. વૈજ્ઞાનિકોને આ ઊંડા અભ્યાસ પરથી જાણવા મળ્યું કે જ્યારે હેલિકોપ્ટર ઉડે છે તો ટક-ટક જેવો અવાજ આવે છે. રોવરથી હેલિકોપ્ટરનું અંતર અને તેનાથી આવતા અવાજના આધારે વૈજ્ઞાનિકોએ તેની ગતિનો અભ્યાસ કર્યો તો જાણવા મળ્યું કે આ 240 મીટર પ્રતિ સેકન્ડની સ્પીડ છે. જ્યારે રોવરે મંગળની સપાટીના ખોદકામ માટે લેઝર છોડ્યુ તો આ લેઝરમાંથી નિકળેલા અવાજની ગતિ 250 મીટર પ્રતિ સેકન્ડ માપવામાં આવી.