ગોળીબાર / રાજકોટમાં ઇમ્તિયાઝ ઉર્ફ લાલાનો આતંક: 2 રાઉન્ડ ફાયરિંગ અને 8 વાહોનમાં તોડફોડ

• રાજકોટના દૂધ સાગર રોડ પર ફાયરીંગ
• દૂધની ડેરી પાસે કરાયુ ફાયરીંગ 
• મોલીન કુરેશી નામના વ્યક્તિ પર ફાયરિંગ

રાજકોટના દૂધ સાગર રોડ પર બેફામ ફાયરીંગની ઘટના સામે આવી છે. જેને પગલે પોલીસ અને પ્રશાસન પર સવાલો ઉઠી રહ્યા છે કે, ગુનેગારોને કાયદાનો ડર કેમ નથી? કેમ આમ જાહેરમાં છાશવારે ગોળીબારની ઘટનાઓ બની રહી છે. દૂધની ડેરી પાસે ફાયરીંગ કરાયું હતુ. મોલીન કુરેશી નામના વ્યક્તિ પર ફાયરિંગ થયું હતુ. આ ફાયરિંગ કરનાર લાલો અને તેના સાગરીતો હોવાનું સામે આવ્યું છે. હાલ તો પોલીસ કાફલો ફાયરીંગની ઘટનાએ પહોંચ્યો છે અને તપાસનો ધમધમાટ શરૂ કર્યો છે પણ પ્રશ્ન એ છે કે કેમ ગુનેગારો ખાખી વર્દીથી નથી ડરી રહ્યા? 

લાલાનો આતંક

નામચીન ઇમ્તિયાઝ ઉર્ફ લાલાએ અડધી રાતે રાજકોટમાં ધમાલ મચાવી હતી. બે રાઉન્ડ ફાયરિંગ કરીને 8 વાહનોમાં તોડફોડ કરવાની ઘટના સામે આવી છે. આ અંગે 9 જણા સામે ગુનો નોંધાયો છે.

પોલીસ કાફલો ઘટના સ્થળે

આ બનાવની જાણ પોલીસને થતાં ક્રાઇમ બ્રાંચના અધિકારી સહીતનો કાફલો ઘટના સ્થળે દોડી ગયો હતો. આ ફરીયાદના આધારે પોલીસે ઇમ્તિયાઝ ઉર્ફ લાલો ભીખુભાઇ રાઉમા, ઇરફાન રાઉમા, સદામ, ઇમલો, શાબીર, ફારૂક, જાંબુ તથા બે અજાણ્યા શખ્સો સામે ગુનો નોંધ્યો છે. 

રાજકોટના દૂધ સાગર રોડ પર ફાયરીંગ: ઇરફાન રાઉમા અને તેના સાગરિતોએ કર્યુ ફાયરિંગ, મોલીન કુરેશી નામના વ્યક્તિ પર ફાયરિંગ#Rajkot #Gujarat @GujaratPolice @CP_RajkotCity

— VTV Gujarati News and Beyond (@VtvGujarati) June 18, 2020