હુમલો / ઉનામાં પૂર્વ ધારાસભ્ય પર અજાણ્યા શખ્સોએ કર્યું અંધાધૂંધ ફાયરિંગ, અન્ય 2 લોકોને પણ ગોળી વાગી

• ઉનાના પૂર્વ ધારાસભ્ય કે.સી રાઠોડ પર ફાયરિંગ
• ન.પા પ્રમુખ કે.સી રાઠોડ સહિત 3 લોકોને વાગી ગોળી
• કે.સી રાઠોડને ચહેરા પર વાગી ગોળી

ઉના નગરપાલિકાના પ્રમુખ અને ભૂતપૂર્વ ધારાસભ્ય કે.સી રાઠોડ પણ બે અજાણ્યા શખ્સો દ્વારા ફાયરિંગ કરવામાં આવતા ચકચાર મચી જવા પામી હતી. અંધાધુંધ ફાયરિંગ કર્યા બાદ શખ્સો ફરાર થઇ ગયા હતા. આ ફાયરિંગમાં ઇજાગ્રસ્ત થયા બાદ ત્રણેય તત્કાલ ઢળી પડ્યાં હતા.

ઉનામાં ફાયરિંગ થવાના કારણે આસપાસમાં પણ નાસભાગ મચી જવા પામી હતી. ઘટના સ્થળ પર લોકોના ટોળા ભેગા થયા હતા. જોકે સ્થાનિક લોકો દ્વારા આ ત્રણેયને તાત્કાલિક નજીકની ખાનગી હોસ્પિટલમાં સારવાર અર્થે ખસેડવામાં આવ્યા હતા. જ્યાં હાલ કે.સી. રાઠોડ અને અન્ય બન્ને લોકોની સારવાર ચાલી રહી છે. જોકે કોઇને ગંભીર રીતે ગોળી નહીં હોવાનાં કારણે ત્રણેયની સ્થિતી હાલ સ્થિર હોવાનું ડોક્ટર્સે જણાવ્યું છે.

મહત્વનું છે કે, આ ફાયરિંગ કોણે કર્યું તે અંગે પોલીસ દ્વારા સમગ્ર મુદ્દે તપાસ હાથ ધરવામાં આવી છે. પોલીસે ઘટનાસ્થળેથી ગોળીઓના કારતૂજ જપ્ત કર્યા હતા. જોકે હજુ સુધી ફાયરિંગનું કારણ અકબંધ છે.