'ઝીરો'ના સેટ પર લાગી આગ માંડ-માંડ બચ્યો શાહરૂખ ખાન

ગુરુવારે ગોરેગાંવ ફિલ્મસિટી સ્ટૂડિયોમાં શાહરૂખની આગામી ફિલ્મ ઝીરોના સેટ પર આગ લાગી ગઇ હતી. આ ઘટનામાં શાહરૂખ ખાન માંડમાંડ બચ્યો હતો. સ્ડૂડિયોને ઘણુ નુકસાન પહોંચ્યુ હતુ. હાલમાં ફાયરવિભાગ દ્વારા કયા કારણોસર આગ લાગી તે અંગેની તપાસ ચાલી રહી છે. ફિલ્મ સિટીની બુકિંગ મેનેજરે જણાવ્યું કે ''આગ એક કલાકમાં કાબુમાં લેવાઇ ગઇ હતી.'' આ ઘટના બની ત્યારે શાહરૂખ તેની વેનિટી વેનમાં સેટ બહાર હતો.

ફાયર બ્રિગેડને આ ઘટના અંગે સાંજે સાત વાગે ખબર પડી હતી અને તે ઘટના સ્થળે દોડી ગયા હતા. સ્ડૂડિયો આખો કરવ કરાયેલો હોવાથી અંદર ખાસ્સો ધૂમાડો થઇ ગયો હતો. આ કારણે આગ કાબૂમાં લેવામાં ઘણો સમય લાગ્યો હતો. આ સમયે ફિલ્મ એન્ડ ટેલિવિઝન ડિરેક્ટર્સ એસોસિયેશનના પ્રમુખ એસોસિયેશનના પ્રમુખ અશોક પંડિત આનંદ એલ રાય સાથે વાતચીત કરતા હતા. ઝીરોના પેચ વર્ક સિકવન્સનું શૂટિંગ ચાલી રહ્યુ હતુ. 

પંડિતે જણાવ્યુ કે ''એ લોકો ક્રોમા કી બેકગ્રાઉન્ડમાં શૂટિંગ કરી રહ્યા હતા. આ શૂટિગમાં સ્પેશિયલ ઇફેક્ટ્સ માટે ગ્રીન કાપડ યુઝ કરવામાં આવે છે. શોટ સર્કિટ થતા આ કપડાએ આગ પકડી લીધી હતી. એ સમયે નસીબજોગે સેટ પર બહુ લોકો નહતા અને કોઈને હાનિ પહોંચી નહતી. એક જ કલાકમાં પરિસ્થિતિ કાબૂમાં આવી ગઇ હતી.''

એક ફાયર ઑફિસરના જણાવ્યા મુજબ આગને કારણે ઈલેક્ટ્રિક વાયરિંગ સેટ પરની અન્ય ચીજો લાઈટ્સ શૂટિંગની ચીજો દોરડા પરદા વગેરે બધુ જ સળગી ગયુ હતુ. આગ 12000 સ્કેવર ફીટના વિસ્તારમાં ફેલાઇ હતી. ફાયર બ્રિગેડે ચાર એન્જિન અને હાઈડ્રન્ટ લાઈન્સનો ઉપયોગ કરીને રાત્રે 8 વાગે આગ કાબૂમાં લીધી હતી. પોલીસ સ્ટેશનના અધિકારીઓએ જણાવ્યું કે શાહરૂખ શૂટિંગ ચાલતુ હતુ ત્યારે તે સ્ટૂડિયોના પાછળના ભાગમાં હતો અને તે સુરક્ષિત રીતે બહાર નીકળી ગયો હતો. 

ઉલ્લેખનીય છે કે આનંદ એલ રાયની ફિલ્મ ઝીરો 29 ડિસેમ્બરના રિલીઝ થશે. આ ફિલ્મમાં શાહરૂખ ખાન સિવાય અનુષ્કા શર્મા અને કેટરિના કૈફ પણ જોવા મળશે.