VTV IMPACT / ફાયર વિભાગ એક્શનમાં, મેડલિન્ક હોસ્પિટલમાં ચેકીંગ હાથ ધરાયુ

VTVએ અમદાવાદની હોસ્પિટલોમાં કરેલાં સ્ટીંગ ઓપરેશનની અસર થઈ છે. અને ફાયર વિભાગ એકશનમાં આવ્યો છે.  VTV દ્વારા ખાનગી હોસ્પિટલોમાં ગેરકાયદેસર ઊભી કરાયેલ કેન્ટીનથી દર્દીઓનું જીવન જોખમમાં મૂકાઈ રહ્યું છે તે અંગેનો અહેવાલ પ્રસારિત કરતાં તંત્ર દોડતું થઈ ગયું છે. શ્યામલની મેડિલિન્ક  હોસ્પિટલમાં ચેકિંગ હાથ ધરાયું હતું. VTV દ્વારા અમદાવાદની સંજીવની, સામવેદ, અપોલો અને મેડિલિંક હોસ્પિટલમાં સ્ટીંગ ઓપરેશન કરાયું ત્યારે ત્યારે નિયમોની ઐસી તૈસી જોવા મળી હતી. સારવાર લેવા આવતાં દર્દીઓ માથે રીતસરનુ મોત ભમી રહ્યું હોય તેવી આ હોસ્પિટલોની સુરક્ષા વ્યવસ્થા હતી. હોસ્પિટલોની ગેરકાયદેસર કેન્ટીનમાં જીવતા બોમ્બ જેવા સિલિન્ડરોનો વપરાશ પણ બેરોકટોક કરવામાં આવતો હતો.