નાણામંત્રી નિર્મલા સીતારમણે પેટ્રોલ-ડિઝલના ભાવમાં ઘટાડાના સવાલ પર જવાબ આપ્યો હતો કે, હું ગ્રાહકોની જરૂરીયાતને સમજું છું પરંતુ સરકાર સામે ધર્મસંકટ જેવી સ્થિતિ છે.
પેટ્રોલ-ડિઝલના ભાવમાં સતત થઇ રહ્યો છે ઉછાળો
નાણામંત્રીએ આપ્યું મોટું નિવેદન
કહ્યું- સરકાર માટે ધર્મ સંકટ જેવી સ્થિતિ
આ સાથે જ તેમણે વધુમાં કહ્યું કે, એવા સંકેત મળી રહ્યા છે જેનાથી અર્થવ્યવસ્થામાં સુધારો લાવી શકાય.
નાણામંત્રીએ જે ધર્મસંકટની વાત કરી ખરેખર તે ઈંધણની કિંમતને લઈને હતી.આ ભાવ ઈંધણ કંપનીઓ નક્કી કરે છે. બીજી તરફ કોરોના કાળમાં મહેસૂલ સંગ્રહમાં આવનારા ઘટાડાને જોતા સરકાર માટે ટેક્સમાં ઘટાડો કરવાનું કામ ખૂબ જ મુશ્કેલ છે.
બીજું શું કહ્યું નાણામંત્રીએ..
શુક્રવારે એક પ્રેસ કોન્ફરન્સને સંબોધન કરતા નાણામંત્રીએ કહ્યું કે, અમે ભારતીય યુવાનો પર ફોકસ કરવા ઈચ્છી રહ્યા છીએ જે અમે બજેટમાં કર્યું છે. અમારું આગામી 20 વર્ષને ધ્યાનમાં રાખીને તૈયાર કરવામાં આવ્યું છે.
શું જીએસટીમાં સામે શામેલ થશે પેટ્રોલ-ડિઝલ
શું પેટ્રોલ-ડિઝલને જીએસટીમાં સામેલ કરાશે ? આ સવાલના જવાબ અંગે નિર્મલા સીતારમણે કહ્યું કે, આ અંગે કાઉન્સિલ નક્કી કરશે.
ઓપેક દેશોએ આપ્યો ઝટકો
પેટ્રોલ ડીઝલની મોંઘવારી વચ્ચે તેલ ઉત્પાદક દેશોમાંથી એક ખરાબ સમાચાર સામે આવી રહ્યા છે. તેલ ઉત્પાદક દેશોના સંગઠન ઓપેક અને અન્ય સહયોગી દેશોએ પોતાના તેલ ઉત્પાદનની ક્ષમતામાં એપ્રિલ મહિના સુધી કોઈ પણ ફેરફાર નહીં કરવાનો નિર્ણય લીધો છે. સાથે જ નિર્ણય લેવામાં આવ્યો છે કે કાચા તેલના ઉત્પાદનમાં કપાત ચાલુ જ રહેશે. ઓપેક દેશોના આ નિર્ણયથી વિશ્વભરમાં અસર પડશે. સૌથી વધારે અસર ભારતમાં પડશે કારણ કે અત્યારે પેટ્રોલ અને ડીઝલની કિંમતો 90 અને 100ને પાર જતી રહી છે.
તેલ ઉત્પાદનમાં કરવામાં આવશે કપાત
કોરોના વાયરસના કારણે વિશ્વભરમાં અર્થતંત્રને જોરદાર ફટકો પડ્યો છે. જેને ધ્યાનમાં રાખીને ઓપેક દેશોએ પોતાના ઉત્પાદનમાં કોઈ પણ બદલાવ ન કરવાનો નિર્ણય કર્યો છે. સાઉદી અરબના નેતરુવત નેતૃત્વમાં કરવામાં આવેલ બેઠકમાં નિર્ણય લેવામાં આવ્યો જે બાદ કાચા તેલની કિંમતમાં પણ ઉછાળો જોવા મળી રહ્યો છે.
ક્રૂડ ઓઇલની કિંમતો વધશે
સાઉદી અરબ દ્વારા તેલના ઉત્પાદનમાં દરરોજ દસ લાખ બેરલનો કાપ મૂકવામાં આવશે, જે એપ્રિલ મહિના સુધી ચાલુ જ રહેશે. આગામી બેઠક હવે એપ્રિલ મહિનામાં થવાની છે જેમાં આગામી નિર્ણય લેવામાં આવશે. બજારના એક્સપર્ટનું માનવું છે કે ઉત્પાદન જેમ જેમ ઓછું થશે તેમ કાચા તેલની કિંમતમાં વધારો જોવા મળશે. અમેરિકા માં કાચા તેલની કિંમત વધીને 64.70 ડોલર પ્રતિ બેરલ થઈ ગઈ છે.
ભારત સરકારનું વધ્યું ટેન્શન
ઓપેક દેશોના આ નિર્ણયથી ભારત સરકારનું ટેન્શન વધી શકે છે. સરકારને એવી આશા હતી કે ઉત્પાદન જ્યારે વધશે ત્યારે કિંમતો આપમેળે ઓછી થઈ જશે અને ટેક્સ ઓછું કરવાની જરૂર નહીં પડે. ગુરુવારે મીટિંગમાં પણ પેટ્રોલિયમ મંત્રી ધર્મેન્દ્ર પ્રધાને ઓપેક દેશોને એમ કહ્યું હતું કે ઉત્પાદન વધારીને કિંમતોને રોકવામાં આવે.
જીએસટી મુદ્દે કરવામાં આવી રહી છે ચર્ચા
નોંધનીય છે કે ભારતમાં પેટ્રોલ અને ડીઝલની કિંમતો જે રીતે વધી રહી છે તે બાદ પેટ્રોલ ડીઝલને GST હેઠળ લાવી દેવા માટે માંગ કરવામાં આવી રહી છે. જો પેટ્રોલ ડીઝલ પર જીએસટી લાગે તો પેટ્રોલ ડીઝલની કિંમતો ઘટી શકે છે.