અફઘાન કટોકટી / અફઘાનિસ્તાનમાં તાલિબાન સરકાર રચે તે પહેલા ભયંકર સંઘર્ષ, પંજશીરમાં મળી રહી છે ટક્કર

• પંજશીરે લગભગ એક દાયકા સુધી તાલિબાનીઓનો કર્યો હતો વિરોધ  
• કાબુલમાં મોડી રાત સુધી ઉજવણી ચાલુ રહેતાં અફવા ફેલાઈ 
• તાલિબાને તેમના લડવૈયાઓને અપીલ વ્યર્થમાં ગોળીબાર ન કરો

પંજશીરે લગભગ એક દાયકા સુધી તાલિબાનીઓનો કર્યો હતો વિરોધ  

આ પહેલા પણ સોમાવરે બળવાખોર શાસકોના રૂપમાં થયેલા ફેરફારનો અને પડકારનો સમાનો કરી અમેરિકાનું સૈન્ય પાછું જતું રહ્યું છે.આમ બે દાયકાથી શરૂ થયેલું યુદ્ધ સમાપ્ત થઈ ચુક્યું છે. પરંતુ પંજશીર જે સોવિયત સંઘના કબજા હેઠળ 1996-2001 વચ્ચે તાલિબાનના પહેલા શાસન વિરુદ્વ લગભગ એક દયકા સુધી વિરોધ કર્યો હતો. તે પુનઃ બળવો કરી રહ્યું છે. તાલિબાનના વિરોધ બનેલા લશ્કર અને પૂર્વ અફઘાન સુરક્ષાબળો કહેવાતા નેશનલ રેઝિસ્ટન્સ ફ્રન્ટના લડવૈયાઓએ કાબુલથી લગભગ 80 કિલોમીટર (50 માઇલ) ઉત્તરમાં ખીણમાં મહત્વનું શસ્ત્રાગાર બનાવ્યું હોવાનું માનવામાં આવે છે.

કાબુલમાં મોડી રાત સુધી ઉજવણી ચાલુ રહેતાં અફવા ફેલાઈ 

રાજધાની કાબુલમાં રાત સુધી ઉજવણી ચાલુ રહી કારણ કે, અફવા ફેલાઈ કે તાલિબાનોએ ખીણ જીતી લીધી છે. પરંતુ તાલિબાને શનિવારે કોઈ સત્તાવાર દાવો કર્યો નથી.એક સ્થાનિક રહેવાસીએ ફોન પર એએફપીને કહ્યું કે આ અહેવાલ ખોટો છે. બીજી તરફ કાબુલની ઇમરજન્સી હોસ્પિટલે જણાવ્યું હતું કે, ગોળીબારને કારણે બે લોકો માર્યા ગયા હતા અને 20 ઘાયલ થયા હતા. 

તાલિબાને તેમના લડવૈયાઓને અપીલ વ્યર્થમાં ગોળીબાર ન કરો

પંજશીરમાં જીતના અહેવાલો બાદ તાલિબાનોએ કાબુલમાં હવામાં અંધાધૂંધ ગોળીબાર કર્યો હતો. આ પછી તાલિબાન પ્રવક્તા ઝબીઉલ્લાહ મુજાહિદે તેના લોકોને હવામાં ફાયરિંગ ન કરવા અપીલ કરી હતી. તેમણે કહ્યું હતું કે આ ફાયરિંગ સામાન્ય લોકોને જોખમમાં મૂકી શકે છે. તમને આપવામાં આવેલા હથિયારો અને ગોળીઓ સાર્વજનિક સંપત્તિ છે. તેમને નાશ કરવાનો કોઈને અધિકાર નથી.ગોળીઓ નાગરિકોને પણ નુકસાન પહોંચાડી શકે છે,વ્યર્થમાં ગોળીબાર ન કરો."

પરિસ્થિતિ મુશ્કેલ છે અમારા પર હુમલો કરવામાં આવ્યો છે

પંજશીરમાં પૂર્વ ઉપપ્રમુખ અમરૂલ્લાહ સાલેહે પ્રખ્યાત તાલિબાન વિરોધી કમાન્ડર અહેમદ શાહ મસૂદના પુત્ર અહમદ મસૂદ સાથે એનઆરએફની ખતરનાક પરિસ્થિતિનો સ્વીકાર કર્યો હતો. સાલેહે એક વીડિયો સંદેશમાં જણાવ્યું હતું કે, પરિસ્થિતિ મુશ્કેલ છે, અમારા પર હુમલો કરવામાં આવ્યો છે.